ARMENPRESS - армянское агентство

Ղարաբաղից տեղահանված ընտանիքների բնակապահովման ծրագրի շրջանակում դիմումների ընդունման գործընթացը շարունակվում է։ «Արմենպրես»- ի հաղորդմամբ՝ այս մասին հայտնում են ՀՀ աշխատանքի և սոցիալական հարցերի նախարարությունից։ Միջոցառումն իրականացվում է աջակցության հետևյալ եղանակներից որևէ մեկի ձևով՝ բնակարանի (կառուցվող շենքից բնակարան գնելու իրավունքի) կամ անհատական բնակելի տան ձեռքբերման հավաստագրի տրամադրում, անհատական բնակելի տան կառուցման հավաստագրի տրամադրում և գործող հիփոթեքային վարկի մարման աջակցություն։  Հավաստագրերի արժեքը ընտանիքի մեկ անդամի հաշվով կազմում է` 5 մլն դրամ, եթե շահառուն ձեռք բերի կամ կառուցի տունը/բնակարանը 242 քաղաքային և գյուղական բնակավայրերից որևէ մեկում (ցանկին հնարավոր է ծանոթանալ հետևյալ հղմամբ), 4 մլն դրամ, եթե ձեռք բերի կամ կառուցի իր տունը/բնակարանը վերոնշյալ 242 բնակավայրերից բացի ՀՀ ցանկացած այլ մարզային բնակավայրում, 3 մլն դրամ՝ Երևան քաղաքում (բացի Երևանի 1-ին և 2-րդ գոտու)։  Դիմումներն ընդունվում են Ссылка скрыта հարթակում։

Հակակոռուպցիոն դատարան են ներկայացվել միջնորդություններ 6 անձանց՝ այդ թվում նախկին նախագահ Ռոբերտ Քոչարյանի որդու՝ Սեդրակ Քոչարյանի նկատմամբ կալանքը որպես խափանման միջոց կիրառելու վերաբերյալ։

Ուկրաինայի նախագահ Վոլոդիմիր Զելենսկին շնորհակալություն է հայտնել Հայաստանի Հանրապետության նախագահ Վահագն Խաչատուրյանին և Հայաստանի վարչապետ Նիկոլ Փաշինյանին՝ Ուկրաինայի Անկախության օրվա առթիվ հղված շնորհավորական ուղերձների համար։ Այս մասին Ուկրաինայի նախագահը նշել է X-ի իր միկրոբլոգում արված գրառման մեջ։ «Իմ անկեղծ երախտագիտությունն եմ հայտնում Հայաստանի Հանրապետության նախագահ Վահագն Խաչատուրյանին և Հայաստանի վարչապետ Նիկոլ Փաշինյանին Ուկրաինայի Անկախության օրվա կապակցությամբ ջերմ շնորհավորանքների համար։ Մեր երկու երկրների միջև բարձր մակարդակի երկխոսությունն այժմ ակտիվացել է։ Հուսով ենք, որ դրան կհետևի ավելի սերտ համագործակցություն նաև այլ մակարդակներում և բազմաթիվ ոլորտներում։ Հայ ժողովուրդը վստահորեն շարժվում է դեպի Եվրոպայի հետ ավելի սերտ կապեր, և Ուկրաինան ողջունում է այս ընտրությունն ու պատրաստ է աջակցել ամենուր, որտեղ դա հնարավոր է»,-նշել է Վոլոդիմիր Զելենսկին։

Եվրոպական ֆուտբոլային ասոցիացիաների միությունը (ՈՒԵՖԱ) և մի քանի տարածաշրջանային ֆուտբոլային ֆեդերացիաներ քննարկում են ՖԻՖԱ-ի նախագահ Ջանի Ինֆանտինոյին անվստահության քվե հայտնելու հարցը:

ՀՀ վարչապետ Նիկոլ Փաշինյանի` օգոստոսի 20-ի որոշմամբ` Անի Ավետիսյանը նշանակվել է արտաքին գործերի նախարարի տեղակալ։

Հայաստանի պաշտպանության նախարարությունը հերքում է ԶԼՄ-ներում շրջանառվող լուրերը, թե Ճամբարակում վրաերթի ենթարկված զինծառայողները վազել են հակագազերով։ ՀՀ պաշտպանության նախարարությունն այդ մասին հաղորդագրություն է տարածել։ «Ճամբարակում տեղի ունեցած դժբախտ պատահարի հանգամանքների վերաբերյալ մամուլում և սոցիալական ցանցերում տարատեսակ տեղեկություններ են շրջանառվում, չնայած որ դեպքի առթիվ նախաձեռնվել է վարույթ: ՀՀ քննչական կոմիտեի գործընկերների հետ համատեղ քննարկման արդյունքում հարկ ենք համարում արձագանքել դրանցից մեկին. լուրերը, թե զինվորները վազել են հակագազերով, չեն համապատասխանում իրականությանը»,- ասված է հաղորդագրության մեջ։

Հակակոռուպցիոն դատարանը 2026 թվականի հուլիսի 30-ին բավարարել է Սյունիքի մարզի դատախազության հայցն ընդդեմ Սյունիքի մարզի Տաթև համայնքի նախկին ղեկավար Մուրադ Սիմոնյանի: Ինչպես «Արմենպրես»-ին տեղեկացրին ՀՀ դատախազության հանրային կապերի բաժնից, վճիռն օրինական ուժի մեջ մտնելուց հետո, Մուրադ Սիմոնյանից կբռնագանձվի 4 միլիոն 454  հազար դրամ՝ որպես պետությանը պատճառված վնասի հատուցում, կբռնագանձվի նաև 4 միլիոն 454  հազար դրամի նկատմամբ հաշվարկված տոկոսագումարը: Սյունիքի մարզի դատախազությունը, պետական (համայնքային) շահերի պաշտպանության լիազորության շրջանակներում, ուսումնասիրելով քրեական վարույթով ձեռք բերված ապացույցները, համաձայն որոնց՝ Տաթև համայնքի նախկին ղեկավար Մուրադ Սիմոնյանը, համայնքային սեփականություն հանդիսացող էքսկավատորը 2018-2020 թվականներին տրամադրել է ՍՊ ընկերությանն ու շահագործումից ստացված 13 միլիոն 600 հազար դրամից 4 միլիոն 454 հազար դրամը հափշտակել է, 2026 թվականի մարտի 31-ին հայցադիմում էր ներկայացրել Հակակոռուպցիոն դատարան՝ Տաթև համայնքին պատճառված վնասի գումարը Մուրադ Սիմոնյանից բռնագանձելու պահանջով:

Թեհրանն ի գիտություն Պարսից ծոցի երկրների հայտնել է, որ Իրանի վրա ԱՄՆ-ի նոր հարվածների դեպքում իրանցի զինվորականները կգրոհեն տարածաշրջանի էներգետիկ և ջրամատակարարման օբյեկտների վրա:Այդ մասին հաղորդում է CNN-ը։ Ըստ հրապարակման՝ քննարկումներին ծանոթ տարածաշրջանային պաշտոնյայի խոսքով՝ Իրանը Պարսից ծոցի երկրներին հայտնել է, որ ԱՄՆ-ի գրոհների վերսկսումը կհանգեցնի տարածաշրջանի էներգետիկ օբյեկտների և աղազրկման կայանների ուղղությամբ պատասխան հարվածների։ CNN-ը պարզաբանում է, որ չնայած տարածաշրջանի մի շարք երկրներ պաշտպանության հարցում հույսը դնում են ԱՄՆ-ի սպառազինությունների համակարգերի վրա, սակայն ավելի ու ավելի հաճախ են տեղեկություններ հայտնվում ամերիկյան զինամթերքի սպառվելու մասին։

Իսրայելի արտաքին գործերի նախարար Գիդեոն Սարը շնորհավորել է Արարատ Միրզոյանին Հայաստանի արտաքին գործերի նախարարի պաշտոնում վերանշանակվելու առթիվ։ «Արմենպրես» -ն այս մասին տեղեկացել է ՀՀ արտաքին գործերի նախարարությունից։ Իր ուղերձում Իսրայելի արտաքին գործերի նախարարը հույս է հայտնել, որ Հայաստանն ու Իսրայելը կշարունակեն դիվանագիտական երկխոսությունը և ընթացիկ համագործակցությունը երկկողմ հետաքրքրություն ներկայացնող ուղղություններով։