Dedebit Media - медиа контент

መልእኽቲ ቢሮ ትምህርቲ ትግራይ ኣብ ውፅኢት ፈተና 12 ክፍሊ 2018 ዓ.ም ሚኒስትሪ ትምህርቲ ኢትዮጲያ ብዕለት 16/12/2018 ዓ/ም ውፅኢት ሃገራዊ ፈተና ዘበነ ትምህርቲ 2018 ዓ/ም ኣመልኪቱ መግለፂ ምሃቡ ይዝከር። ትግራይ ኣብቲ ዘበነ ትምህርቲ ካብ ዘፈተነቶም ተምሃሮ ኣስታት 11.2% ዝኾኑ ተምሃሮ 50 ሚኢታውን ልዕሊኡን ከምዘምፅኡ ካብቲ ዝተውሃበ መግለፂ ምፍላጥ ተኻኢሉ ኣሎ። እዚ ብድምር ዝተረኸበ ውፅኢት ትሑት ዋላ እንተኾነ ኣብ ልዕሊ በቲ ጂኖሳይዳዊ ኲናት ዘበፀሓና ዕንወትን ኪሳራን መንግስቲ ፌደራል ካብ ጥቅምቲ 2018 ጀሚሩ በጀት ብምኽልካሉ ናይ መምህራን መሃያ ብኣግባብቡን ብጊዚኡን ብዘይምኽፋሉ ዝተፈጥረ ፀገም፤ በቲ ኲናት ምኽንያት ንዝተፈጠረ ብኽነት ጊዜ ትምህርቲ ንምክሕሓስ ተምሃሮና ብዝተሳለጠ መርሃ ግብሪ ትምህርቲ ናይ 9ይን 10ይን ትምህርቶም ብሓደ ዓመት ዝወዱ ምኻኖም፤ መንግስቲ ፌደራል ኣብ ሊዕሊ ተፈተንቲ ተምሃሮ ዝፈፀሞ በደልን ብብርኪ ሃገር ምስቶም ምንም ዓይነት ፀገም ዘይብሎም ተሓሳቢ ገይርካ እንትረአን ተሓጋጊዝና ንትምህርቲ ትግራይ ድጋፍ እንትንገብር ዝህሉ ዓቕሚ መርአዪ ኮይኑ ክውሰድ ዝኸእል እዩ። ስለዝኾነ ብኩነታት ከይተሰኮንኩም ዝልዓለ ውፅኢት ንዘመዝገብኩም ተምሃሮ ዘለና ናእዳ እናገለፅና እዚ መሪር መጉዳእትን ማህሰይትን ተፃዊርኩም ተምሃሮና ናብ ፈተና ንክቐርቡ ዘይተሓለለ ፃዕሪ ዝገበርኩም መምህራን፣ ኣመራርሓ ትምህርቲ፣ ወለድን መንግስታውን ዘይመንግስታውን ኣካላትን በዚ ኣጋጣሚ ክነመስግን ንፈቱ። ኣብ መወዳእታ ዝርዝር መረዳእታ ውፅኢት ሃገራዊ ፈተና ካብ ሚኒስተሪ ትምህረቲ ምስ በፅሐና ዝርዝር ትንታነ ውፅኢት እንህብ ምዃና እናገለፅና ምስ ውፅኢት ፈተና ተኣሳሲሩ ዝተፈላለዩ ሕቶታትን ጥርዓናትን ዘለኩም ተምሃሮ በዚ ሊንክ Ссылка скрыта እዚ ኣቢልኩም ክትሓቱን ብኣካል እውን ንርዕሳነ መምህራን ኣብያተ ትምህርትኹም ክተፍልጡን ንሕብር ። ትምህርቲ መሰረት ሕውየትናን ብሄራዊ ረብሓናንን! ቢሮ ትምህርቲ ትግራይ 21/12/2018 ዓ.ም

ኣብ ልዕሊ ትካላት ጥዕና ዘጋጠመ ዕንወት ዝፈጠሮ ኣብ 2018 ዓ.ም ኣብ እዋን ወሊድ ልዕሊ 1300 ህፃናትን 128 አዴታትን ከምዝሞቱ ቢሮ ጥዕና ትግራይ ኣፍሊጡ። ቢሮ ጥዕና ትግራይ ኣፈፃፅማ በጀት ዓመት 2018 ዓ.ምን ትልሚ በጀት ዓመት 2019 ዓ.ም ክሰርሖም ብዛዕባ ዝሓዞም ብዝምልከት ትልምታት ገምጋሚ። ሓላፊ ቢሮ ጥዕና ትግራይ ዶ/ር ፀጋይ በሪሁ ብምኽንያት ኣብ ትግረይ ዘጋጠመ ኲናት ኣብ ልዕሊ ትካላት ጥዕና ዘጋጠመ ዕንወት ሰፊሕ ምዃኑ ዝገለፁ ዶ/ር ፀጋይ ነዚ ስዒቡ ድማ ኣብ ጠለባት ጥዕና ሕ/ሰብን ዝዋሃብ ዘሎ ግልጋሎትን ሰፊሕ ዘይምምጥጣን ከም ዘሎ ተዛሪቦም። ካብዚ ብዝሓለፈ ድማ ካብ መንግስቲ ፌደራል ዝመፅእ ዝነበረ በጀት ጠቅሊሉ ብምትራፍ ኢሉ እውን ካብ ዝተፈላለዩ ትካላት ገበርቲ ሰናይ ዝመፅአ ዝነበሩ ሓገዛት ምቕናሶም ነቲ ዘሎ ፀገም ስርዓት ጥዕና ከጋደድ ምኽንያት ምዃኑ ተዛሪቦም። ሞትን ሳቓይን ኣዴታትን ህፃናትን ንምክልኻልን ዝተመሓየሽ ስርዓት ጥዕና ትግራይ ንምህናፅ ኩሉ መዳያዊ ዓቅሚ ብምውዳድ ምስራሕ ከም ዝግባእ ድማ ተዛሪቦም። ሕ/ሰብ ዕግበት ዘይረኸበሎም ሕቶታት ስርዓት ጥዕና ብዝግባእ ኣብ ምምላስ ድማ ቀዳምነት ሂብካ ምስራሕ ይግባእ ኢሎም። ኣብ ዝሓለፈ በጀት ዓመት ዝነበሩ ዝሓሹ ኣፍፃፅማታት ኣጠናኺርካ ምቅፃል አብቶም ዝደኸሙ ድማ ኣብ ዝመፅእ በጀት ዓመት ምስ ዝምልከቶም ኣካላት ብምርድድዳኣ ምስትኽኻል ይግባእ ኢሎም። ኣፈፃፅማ በጀት ዓመት እቲ ቢሮ ዘቅረቡ ኣብ ቢሮ ጥዕና ትግራይ ዳይሪክተር ምድላው ትልሚ በጀተ ክትትልን ገምጋምን ኣይተ ቴድሮስ ፀሃየ፥ ቅድሚ ኲናት 72 ሚኢታዊ በፂሑ ዝነበረ ግልጋሎት ወሊድ ኣዴታት ኣብዚ እዋን 69 ሚኢታዊ ምብፅሑ ተዛሪቦም። ብኻሊእ መንገዲ ኣብዚ በጀት ዓመት ኣብ እዋን ወሊድ ብዘጋጥም ሞት 1397 ህፃናት፥128 ኣዴታት ህይወቶም ከም ዝሰኣኑ ድማ ተዛሪቦም። ኣብ ትግራይ ልዕሊ 51 ሽሕ ወገናት ኣብ ደሞም ሕማም ኤች ኣይቪ ከም ዘለዉ ከም ዝግመት ዝገለፁ ኣይተ ቴድሮስ ካብዚኦም ድማ ልዕሊ 40 ሽሕ መድሓኒት ይወስዱ ከም ዘለው ተዛሪቦም። ሕማም ዓሶ ንምክልኻል ኣብ 5 ወረዳታት 80,581 ገዛውቲ ምንፃግ ከሚካል መከላኸሊ ሕማም ዓሶ ከም ዝተሳለጠ ብምግላፅ 682.065 ዛንዜራ ከም ዝተዓደለ እውን ተዛሪቦም። ተበፃሕነት ኣምቡላንስ፣ ሕክምናን ኣዴታትን ህፃናት፣ ምብፃሕ ክታበት ፣ምቁፅፃር ለበዳታትን ኣብ በጀት ዓመት 2018 ዓ.ም ዝሓሸ ምንቅስቃስ ምንባሩን ኣብ ሕፅረት ምግቢ፣ምቁፅፅፃር ሕማም ኤች ኣይቪ ፣ኣዋሃህባ ግልጋሎትን ሕዚ እውን ምስራሕ ከም ዘድሊ ተዛሪቦም።