🔒Открыть пост
и посмотреть медиа
и посмотреть медиа
"የውህድ ማንነት" ጉዳይ
በሀገራዊ ምክክሩ "የውህድ ማንነት" ጉዳይ በፓርቲ ደረጃ መቅረቡን ለቲክቫህ ኢትዮጵያ የገለጹ የዚሁ አጀንዳ ተመካካሪ፣ "የሁለት 'ውህድ ማንነት' ያላቸው ሰዎች" እንዳሉ ተመላክቶ "አሁን ያለው አሰራር ለአገልግሎት መታወቂያ ሲጠየቁ በአንድ ማንነት ብቻ እንዲጠሩ ስለሚያስገድዳቸው 'ብሔር የለኝም ውህድ ነኝ' የማለት መብት ሊኖራቸው ይገባል" የሚል ምክረ ሀሳብ ቀርቦ ብዙ ተቃውሞ ቢያጋጥመውም ከሥራ ቡድኑ ወደ ሀሳብ አደራጅ ቡድኑ ተሻግሮ እንደነበር ገልጸዋል።
"ይህ የኢትዮጵያውያን እሴት አይደለም። ሰው በአባቱ ነው የሚጠራው። 'ውህድ' የምትሉት ነገር ለባዕድ እሴት በር የሚከፍት ነው" በሚል ተቃውሞ ሲነሳበት፣ "'ውህድ ማንነት' የሚለው ቀርቶ 'ውህድ የብሔር ማንነት'" በሚል ሀሳቡ አልፎ እንደነበር ተናግረዋል።
120 አባላት ባሉት ሀሳብ አዘጋጅ ቡድን ታይቶ ግን ቡድኑ ትናንት ለ500 ሰዎች ሪፖርት ሲያቀርብ፣ ጉዳዩ ለምን እንዳለፈ ጠይቆ፣ "'እንዲያውም ከሰነዱ ይውጣ' ብሎ እጅ እንዲወጣ ተደርጎ አብዛኛው ነቅፎ እጅ አወጣ። ያን ሀሳብ የሚደግፉ ጥቂት ሰዎች እዚህ ድረስ የመጣን ሀሳብ 'በአድማ ልትቀለብሱ አትችሉም' በማለታቸው ስምምነት ያልተደረሰበት ምክረ ሀሳብ ሆኖ እንዲያልፍ ተደርጓል " ሲሉ ለቲክቫህ ኢትዮጵያ ተናግረዋል።
ቲክቫህ ኢትዮጵያ
አዲስ አበባ
ነሐሴ 12 ቀን 2018 ዓ/ም
@tikvahethiopia
