🔒Открыть пост
и посмотреть медиа
и посмотреть медиа
Առցանց բանախոսություն | «ՀՀ երիտասարդները անորոշության և հույսի խաչմերուկում» հետազոտական մենագրության քննարկում
🔹 Ի՞նչ իրականության մեջ են ապրում Հայաստանի երիտասարդներն այսօր։
🔹 Ինչպե՞ս են անորոշությունը, հետպատերազմյան իրողություններն ու սոցիալական փոփոխություններն ազդում նրանց ընտրությունների, սպասումների և ապագայի պատկերացումների վրա։
🔹 Եվ ինչպե՞ս կարող է հետազոտությունն օգնել հասկանալու երիտասարդների փորձառությունը, մարտահրավերներն ու հույսերը։
Օգոստոսի 12-ը՝ Երիտասարդության միջազգային օրը, այս հարցերի շուրջ խոսելու ևս մեկ առիթ է։
Օրվա խորհրդին համահունչ՝ «Ինլայթ» հանրային հետազոտությունների կենտրոնի և Teach For Armenia-ի համագործակցությամբ կազմակերպվող հերթական բաց առցանց հանդիպման ընթացքում կքննարկենք վերջերս հրատարակված «ՀՀ երիտասարդները անորոշության և հույսի խաչմերուկում» հետազոտական մենագրությունը։
Բանախոս՝
Մարինա Գալստյան (Marina Galstyan) — սոցիոլոգիական գիտությունների թեկնածու, սոցիոլոգ, կրթության սոցիոլոգիայի և երիտասարդության հիմնահարցերի հետազոտող, Center for Educational Research and Consulting -ի հիմնադրի ղեկավար:
Հանդիպման ընթացքում կանդրադառնանք՝
🔹 «ՀՀ երիտասարդները անորոշության և հույսի խաչմերուկում» մենագրության հիմնական բացահայտումներին,
🔹 Հայաստանի երիտասարդների սոցիալական իրողություններին, հարմարման փորձառություններին, մարտահրավերներին և ապագայի ընկալումներին,
🔹 հետազոտության արդյունքների հանրային և կրթական նշանակությանը,
🔹 այն ճանապարհին, որով հետազոտական գաղափարը վերածվում է ամբողջական հետազոտության և մենագրության,
🔹 Մարինա Գալստյանի մասնագիտական ու հետազոտական փորձառությանը և երիտասարդ հետազոտողների համար կարևոր խորհուրդներին ու դիտարկումներին։
Հանդիպումից առաջ կարող եք ծանոթանալ նաև մենագրությանը՝
Ссылка скрыта
Օգոստոսի 12 | Երիտասարդության միջազգային օր | 19:30–21:00
Առցանց (Google Meet)
Մասնակցության հղում. meet.google.com/zwv-cjhh-rjy
Մասնակցությունն անվճար է։ Անհրաժեշտ է միայն նախնական գրանցում.
Ссылка скрыта
_______________________________
Հանդիպումն իրականացվում է «Ինլայթ» հանրային հետազոտությունների կենտրոնի և «Դասավանդի՛ր հանուն Հայաստանի» համագործակցությամբ իրականացվող Enlight × TFA Internship ծրագրի շրջանակում, որը նախատեսված է «Դասավանդի՛ր հանուն Հայաստանի» ուսուցիչ-առաջնորդների, շրջանավարտների, ինչպես նաև կրթությամբ, հանրային քաղաքականությամբ և հետազոտություններով հետաքրքրված անձանց համար։
Երիտասարդության միջազգային օրը հրավիրում ենք միասին խոսելու երիտասարդների մասին՝ հիմնվելով ոչ միայն մեր պատկերացումների, այլև հետազոտության, տվյալների և հենց երիտասարդների փորձառությունների վրա։