FACT CHECK - проверка фактов

ဆေးဝါးဈေးကွက် ရှောင်တခင်စစ်ဆေးမှု ရှိမရှိ ရန်ကုန်တိုင်း လွှတ်တော်ကိုယ်စားလှယ် မေးမြန်း၊ လစဉ်စစ်ဆေးပြီး စည်းကမ်းပျက်ပါက လိုင်စင်သိမ်းသည်အထိ အရေးယူမည်ဟု ဝန်ကြီး ဖြေကြား ===== ဆေးဝါးဈေးကွက်အတွင်း သက်တမ်းကုန်ဆေးဝါးများအား သက်တမ်းအသစ် ပြန်လည်ရိုက်နှိပ် ရောင်းချခြင်း ရှိမရှိနှင့် ရှောင်တခင်စစ်ဆေးခြင်း ရှိမရှိ မရမ်းကုန်းမြို့နယ် တိုင်းလွှတ်တော်ကိုယ်စားလှယ် ဦးအောင်ပြည့်ဖြိုးက ရန်ကုန်တိုင်းဒေသကြီး လွှတ်တော်တွင် မေးမြန်းခဲ့သည်။ အဆိုပါမေးခွန်းနှင့် ပတ်သက်၍ လူမှုရေးဝန်ကြီး ဦးဗိုလ်ဌေးက လစဉ် စီမံချက်ဖြင့် ဆေးဆိုင်များနှင့် ဆေးကုမ္ပဏီ သိုလှောင်ရုံများကို ရှောင်တခင် ကွင်းဆင်း စစ်ဆေးလျက်ရှိကြောင်း၊ ဓာတ်ခွဲစစ်ဆေး၍ စံမညီပါက ဈေးကွက်မှ ပြန်လည်သိမ်းဆည်းစေကြောင်း ပြန်လည်ဖြေကြားခဲ့သည်။ ထို့အပြင် သက်တမ်းလွန် သို့မဟုတ် စံမညီ ဆေးဝါးများ ရောင်းချပါက ပထမအကြိမ်တွင် လိုင်စင် ၃ လ၊ ဒုတိယအကြိမ်တွင် ၆ လနှင့် တတိယအကြိမ်တွင် လိုင်စင် အပြီးပိတ်သိမ်းကာ တရားစွဲဆို အရေးယူဆောင်ရွက်လျက်ရှိကြောင်း ရှင်းလင်းပြောကြားခဲ့သည်။   မင်းခေါင်

စင်ကာပူနိုင်ငံသား ကလေးတိုင်း အသက် ၁၇ နှစ်အထိ စင်ကာပူဒေါ်လာ ၇၀,၀၀၀ နီးပါး ထောက်ပံ့ကြေးရမည် ===== စင်ကာပူနိုင်ငံသား ကလေးငယ်တိုင်း အသက် ၁၇ နှစ် မပြည့်မီအထိ စင်ကာပူဒေါ်လာ ၇၀,၀၀၀ နီးပါး ဘဏ္ဍာရေး ထောက်ပံ့မှု ရရှိမည်ဖြစ်ကြောင်း CNA သတင်း၌ ဖော်ပြထားသည်။ စင်ကာပူ ဝန်ကြီးချုပ် လောရန့်ဝမ်က ဩဂုတ် ၂၃ ရက် အမျိုးသားနေ့ မိန့်ခွန်းတွင် “SG Child Support Package” အမည်ရှိ ထောက်ပံ့ရေး အစီအစဉ်သစ်ကို ကြေညာခဲ့ခြင်းဖြစ်သည်။ ယခု အစီအစဉ်သည် မွေးဖွားမှု အစီအစဉ် သို့မဟုတ် မိဘများ အိမ်ထောင်ပြုထားခြင်း ရှိမရှိ အပေါ် မူတည်ခြင်း မရှိဘဲ မိဘတစ်ဦးတည်းရှိသည့် မိသားစု (Single parents) မှ ကလေးများ အပါအဝင် ကလေးတိုင်း တန်းတူ ခံစားခွင့် ရရှိမည်ဖြစ်သည်။ အဆိုပါ ထောက်ပံ့မှုကို ယခင် အသက် ၁၂ နှစ်အထိ ပေးအပ်ရာမှ အသက် ၁၇ နှစ်အထိ တိုးမြှင့် သတ်မှတ်လိုက်ခြင်းဖြစ်သည်။   မင်းခေါင်

ရေပြန်ကျသွားသဖြင့် ဟင်္သာတ-တလုတ္ထော်-လဟာပ-စာရေးကွင်း လမ်းပိုင်းတွင် ယာဉ်အလတ်များ အဆင်ပြေစွာ သွားလာနိုင်ပြီ ===== ဧရာဝတီတိုင်းဒေသကြီး၊ လေးမျက်နှာမြို့နယ်သို့ လာရောက်ကြမည့် အလှူရှင်များအတွက် ဟင်္သာတ-တလုတ္ထော်-လဟာပ-စာရေးကွင်း လမ်းမကြီးတစ်လျှောက် ရေပြန်ကျဆင်းသွားပြီဖြစ်သဖြင့် ဩဂုတ် ၂၅ ရက်မှစတင်၍ ယာဉ်အလတ်များ အဆင်ပြေစွာ သွားလာနိုင်ပြီဖြစ်ကြောင်း သတင်းအချက်အလက်စင်တာများထံမှ သိရသည်။ ယခင်က ၆ ဘီးယာဉ်များဖြင့်သာ သွားလာနိုင်ခဲ့သော်လည်း ရေကျသွားသည့်အတွက် ယခုအခါ 4 Wheel ယာဉ်များနှင့် ယာဉ်အလတ်များပါ တိုက်ရိုက် မောင်းနှင်နိုင်ပြီ ဖြစ်သည်။ ရေကျပြီးနောက် လမ်းမကြီးပေါ်တွင် ကျန်ရစ်ခဲ့သည့် အမှိုက်နှင့် အညစ်အကြေးများကို မြို့နယ်အုပ်ချုပ်ရေးမှူး၏ ကြီးကြပ်မှုဖြင့် စည်ပင်သာယာရေးအဖွဲ့က ရှင်းလင်းသိမ်းဆည်းပေးခဲ့သဖြင့် လမ်းပိုင်းမှာ သန့်ရှင်းသွားပြီဖြစ်ကြောင်း သိရသည်။   မင်းခေါင်

အကြမ်းဖက် KIA အဖွဲ့တွေက ဖားကန့်နဲ့ လုံးခင်းနယ်တွေမှာ မူးယစ်ဆေးဝါးတွေကို ပေါ်ပေါ်တင်တင်ရောင်းချဖြန့်ဖြူးပြီး ကိုယ်ကျိုးစီးပွားရှာ လုပ်စားနေကြတယ်လို့ သိရပါတယ်... အကြမ်းဖက် PDF တွေနဲ့ KIA တွေကိုယ်တိုင် မူးယစ်ဆေးစွဲနေကြသလို ဒေသခံတော်တော်များများလည်း မူးယစ်သားကောင်းတွေဖြစ်ကုန်ကြပြီ... ပြီးတော့ ဆေးစွဲနေတဲ့ PDF တွေကို စိတ်ကြွမူးယစ်ဆေးတွေကျွေးပြီး ရှေ့တန်းကနေ အသေခံတိုက်ခိုင်းနေလို့  မသာပေါ်နေတဲ့ PDF တွေအများကြီးပဲတဲ့..

တပ်မတော်ကာကွယ်ရေးဦးစီးချုပ် ဗိုလ်ချုပ်ကြီး ရဲဝင်းဦး ဦးဆောင်သည့် မြန်မာ့တပ်မတော်ကိုယ်စားလှယ်အဖွဲအား ထိုင်းဘုရင့်တပ်မတော်ကာကွယ်ရေးဦးစီးချုပ် က ဂုဏ်ပြုညစာဖြင့် တည်ခင်းဧည့်ခံ =========================== (၉)ကြိမ်မြောက် ထိုင်း- မြန်မာအဆင့်မြင့်အရာရှိကြီးများ အစည်းအဝေး(9th Thailand- Myanmar High Level Committee Meeting ) သို တက်ရောက်ခဲ့သည့် တပ်မတော်ကာကွယ်ရေးဦးစီးချုပ် ဗိုလ်ချုပ်ကြီး ရဲဝင်းဦး ဦးဆောင်သည့် မြန်မာ့တပ်မတော်ကိုယ်စားလှယ်အဖွဲအား ဩဂုတ်လ ၂၀ ရက် ညပိုင်းတွင် ထိုင်းဘုရင့်တပ်မတော်ကာကွယ်ရေးဦးစီးချုပ် General Ukris Boontanondha က ဂုဏ်ပြုညစာဖြင့် တည်ခင်းဧည့်ခံပါတယ်။ ထိုနောက် နှစ်နိုင်ငံ တပ်မတော်ကာကွယ်ရေးဦးစီးချုပ်များက နှုတ်ခွန်းဆက်စကားများ အသီးသီးပြောကြားကြပြီး ဂုဏ်ပြုညစာကို အတူတကွ သုံးဆောင်ခဲ့ကြတယ်လို သိရပါတယ်။

တပ်မတော်စစ်ကြောင်းများက ရှမ်းပြည်နယ် (တောင်ပိုင်း)၊ ကျေးသီးမြို့နယ်အတွင်း  အွန်လိုင်းလိမ်လည်လောင်းကစားမှုကျူးလွန်သူ ၂၃ ဦးအား လုပ်ငန်းသုံးပစ္စည်းများနှင့်အတူ ဖမ်းဆီးရမိ