🔒Открыть пост
и посмотреть медиа
и посмотреть медиа
“Travel News Market Sweden” халқаро туризм тадбирида иштирок этишга таклиф
Ўзбекистон Республикаси Ташқи ишлар вазирлиги томонидан тақдим этилган маълумотга кўра, 2026 йил 12 ноябрь куни Швециянинг Стокгольм шаҳрида халқаро туризм соҳасига бағишланган “Travel News Market Sweden” тадбири ўтказилиши режалаштирилган.
Мазкур тадбир Швециянинг туризм ва саёҳат индустриясига ихтисослашган нуфузли “Travel News” нашри томонидан ташкил этилмоқда.
Маълумот учун: “Travel News Market Sweden” Швеция ва Скандинавия мамлакатларидаги туризм индустриясининг етакчи B2B бизнес майдонларидан бири ҳисобланади.
Тадбир халқаро туристик йўналишлар, меҳмонхоналар, туроператорлар, DMC-компаниялар ҳамда туризм соҳасида хизмат кўрсатувчи бошқа ташкилотларни Скандинавия давлатларидаги турагентлар, туроператорлар, саёҳат ташкилотчилари ва MICE индустрияси вакиллари билан боғлаш учун муҳим мулоқот ва ҳамкорлик майдони вазифасини бажаради.
Тадбирда Скандинавия ва бошқа Европа давлатларининг етакчи туроператорлари, турагентликлари, туристик йўналишлар, меҳмонхона тармоқлари ҳамда туризм индустрияси вакиллари иштирок этиши кутилмоқда.
Шу муносабат билан, “Travel News Market Sweden” тадбирида иштирок этиш имкониятини кўриб чиқиш, шунингдек, тадбирда иштирок этишдан манфаатдор бўлган хусусий туризм ташкилотлари, туроператорлар ва турагентликларни жалб этиш чораларини кўриш сўралади.
Тадбирда иштирок этиш истагини билдирган ташкилотлар иштирок этиш шартлари, рўйхатдан ўтиш тартиби, ташкилий масалалар ва бошқа зарур маълумотларни тадбир ташкилотчилари билан бевосита боғланган ҳолда аниқлаштиришлари мумкин.
Шунингдек, тадбир ҳақидаги батафсил маълумотлар, иштирок этиш шартлари ва рўйхатдан ўтиш тартиби билан “Travel News Market Sweden”нинг расмий веб-сайти — Ссылка скрыта орқали танишиш мумкин.