ჯემნიუსი - новости Кавказа

ბუდანოვი: 2026 წელს უკრაინა „პეტრიოტებისთვის“ ნაკლებ რაკეტას მიიღებს და ისინი მაინც არ იქნება საკმარისი ამის შესახებ მან იტალიურ გამოცემა La Stampa-სთან ინტერვიუში განაცხადა და დასძინა, რომ ამჟამად ეს ერთადერთი შეიარაღების სისტემაა, რომელსაც ბალისტიკური რაკეტების ეფექტურად განეიტრალება შეუძლია. „ციფრებს არ დავასახელებ, რადგან არ მსურს მოწინააღმდეგეს უპირატესობა მივანიჭო ან ჩვენი პარტნიორების მიმართ უსამართლო ვიყო. თუმცა ვიტყვი, რომ 2026 წელს იმაზე ნაკლებს მივიღებთ, ვიდრე 2025 წელს. მიწოდებები გრძელდება, ისინი რეგულარულია, მაგრამ საკმარისი არ არის რუსეთის თავდასხმების ტემპის დასაპირისპირებლად“, — განაცხადა ბუდანოვმა.

უკრაინა ამ წუთებში კურსკის ოლქზე მასშტაბურ შეტევას ახორციელებს: რუსეთის საჰაერო თავდაცვა დრონების თავდასხმას იგერიებს.

თალიბანის დელეგაცია ბელარუსში იმყოფებოდა — ვიზიტის ფოტოები კი მალევე წაიშალა რადიო თავისუფლების (RFE/RL) ინფორმაციით, თალიბანის 13-კაციანი დელეგაცია ბელარუსს ხუთდღიანი ვიზიტით ეწვია. დელეგაციის წევრებმა მოინახულეს სლუცკის ყველის საწარმო და მძიმე ტექნიკის მწარმოებელი კომპანია BelAZ. (RadioFreeEurope/RadioLiberty) RFE/RL-ის ცნობით, ბელარუსულმა მედიამ ვიზიტის ამსახველი ფოტოები გამოაქვეყნა, მათ შორის კადრები, რომლებშიც თალიბანის წარმომადგენლები ბელარუს ქალებს ესაუბრებიან. მასალების ნაწილი მოგვიანებით ბელარუსული ვებგვერდებიდან და სოციალური ქსელებიდან გაქრა. (RadioFreeEurope/RadioLiberty) ფოტოების წაშლამ ონლაინ კრიტიკა გამოიწვია, განსაკუთრებით ავღანეთში ქალებისა და გოგონებისთვის თალიბანის მიერ დაწესებული მკაცრი შეზღუდვების ფონზე. ვიზიტს გამოეხმაურა ბელარუსის ოპოზიციის ლიდერი სვიატლანა ციხანოვსკაიაც, რომელმაც განაცხადა, რომ ბელარუსებს არ აურჩევიათ პარტნიორობა თალიბანთან, ჩრდილოეთ კორეასთან ან სხვა დიქტატურებთან. (RadioFreeEurope/RadioLiberty)

რუსეთის მუდმივი წარმომადგენელი გაეროში აცხადებს, რომ კრემლი სახელმწიფო დუმის არჩევნების შემდეგ მობილიზაციის გამოცხადებას არ გეგმავს. ვასილი ნებენზიამ განაცხადა, რომ რუსეთში მასობრივი მობილიზაცია ამ ეტაპზე საჭირო არ არის და არც იგეგმება. თუმცა, ნებენზიამ იქვე დაამატა: „ვნახოთ, რა მოხდება არჩევნების შემდეგ და ვინ აღმოჩნდება მართალი და ვინ — ცდება.“ რუსეთში სახელმწიფო დუმის არჩევნები სექტემბერშია დაგეგმილი. მანამდე უკრაინული მხარე არაერთხელ აცხადებდა, რომ არჩევნების შემდეგ რუსეთში მობილიზაციის ახალი ტალღის რისკი არსებობს.

🇺🇦🇷🇺🚀 უკრაინულმა დაზვერვამ დაადასტურა, რომ რუსეთმა პირველად მიიღო ჩრდილოეთ კორეის უფრო მძიმე ბალისტიკური რაკეტა Hwasong-11C (KN-30). ივლისის მონაცემებით, რუსეთი ჩრდილოეთ კორეული სამი ტიპის — KN-23-ის, KN-24-ისა და ახლა უკვე KN-30-ის — დაახლოებით 50 რაკეტას ფლობდა. ჩრდილოეთ კორეელი სამხედროებისგან შემადგარი დაახლოებით 90-კაციანი ჯგუფი რუსეთის ვორონეჟის ოლქში განთავსდა, რათა 6 გამშვები დანადგარი მართოს. ჩრდილოეთ კორეა აცხადებს, რომ KN-30, რომლის მოქმედების მანძილი 700-900კმ-ია, შეუძლია 2,500 კგ-იანი საბრძოლო ქობინის გადატანა, თუმცა ანალიტიკოსებს ეს ციფრი გადაჭარბებულად მიაჩნიათ.

კიდევ ერთი წინსვლა დაფიქსირდა სლავიანსკი-კრამატორსკის მიმართულებით

ზელენსკიმ დრაპატისთან დონბასის თავდაცვის გაძლიერება და შორ მანძილზე დარტყმების გაგრძელება განიხილა განსაკუთრებული ყურადღება დაეთმო კონსტანტინოვკის, სლავიანსკისა და დონეცკის ოლქის დაცვას. პრეზიდენტის თქმით, უკრაინის სამხედრო სარდლობას ესმის, როგორ გააძლიეროს ეს მიმართულება. ასევე, ზელენსკიმ იაროსლავის ნავთობგადამამუშავებელ ქარხანაზე განხორციელებული დარტყმის შედეგებზე ისაუბრა და განაცხადა, რომ მსგავსი ოპერაციები გაგრძელდება. „რაც უფრო მეტად დაიჯერებს პუტინი, რომ ბალისტიკაზე ფსონის გაკეთება სწორი გადაწყვეტილებაა, მით ნაკლები იქნება მისი მზადყოფნა, დიპლომატიურ შეთავაზებებს დადებითად უპასუხოს. შესაბამისად, უკრაინის თავდაცვის გაძლიერება დიპლომატიაში პირდაპირი ინვესტიციაა“, — განაცხადა ზელენსკიმ.

ყირიმს უკრაინული დრონები უტევენ

ოდესის ოლქის სანაპიროსთან მდებარე რაიონში და ჩერნომორსკის პორტში მშრალტვირთმზიდ გემებზე რუსმა ოკუპანტებმა მიიტანეს იერიში