Myanmar Update News - обновления Мьянмы

ဒေသတွင်းပူးပေါင်းဆောင်ရွက်မှုနှင့် ပြည်တွင်းကုန်ထုတ်လုပ်မှုမြှင့်တင်ကာ နိုင်ငံ့စီးပွားဖွံ့ဖြိုးရေး အရှိန်မြှင့်ရန် နိုင်ငံတော်သမ္မတ တိုက်တွန်း နေပြည်တော်၊ ဩဂုတ် ၂၅။ နိုင်ငံ့စီးပွားနှင့် ပြည်သူများ၏ လူမှုစီးပွားဘဝ ဖွံ့ဖြိုးတိုးတက်ရေးအတွက် ပြည်တွင်းကုန်ထုတ်လုပ်မှုနှင့် ပို့ကုန်တိုးမြှင့်ရေး၊ စိုက်ပျိုးမွေးမြူရေးအခြေခံ စက်မှုလုပ်ငန်းများ ဖွံ့ဖြိုးရေးနှင့် ဒေသတွင်းမိတ်ဖက်၊ အိမ်နီးချင်းနိုင်ငံများ၏ အားသာချက်များကို မြန်မာနိုင်ငံ၏ အားသာချက်များနှင့် ပေါင်းစပ်အသုံးချရေး အလေးထားဆောင်ရွက်ရန် နိုင်ငံတော်သမ္မတ ဦးမင်းအောင်လှိုင်က ဩဂုတ် ၂၅ ရက် နေပြည်တော်၌ ကျင်းပသည့် ပြည်ထောင်စုအစိုးရအဖွဲ့ အစည်း အဝေးတွင် ပြောကြားခဲ့သည်။ ဩဂုတ်လအတွင်း ထိုင်း၊ ရုရှားနှင့် ဘယ်လာရုစ်နိုင်ငံများသို့ သွားရောက်ခဲ့သည့် ခရီးစဉ်များမှတစ်ဆင့် နိုင်ငံအချင်းချင်း ချစ်ကြည်ရေး၊ ကုန်သွယ်ရေးနှင့် ရင်းနှီးမြှုပ်နှံမှု၊ စွမ်းအင်၊ ပညာရေး၊ သိပ္ပံနှင့်နည်းပညာ၊ ကာကွယ်ရေးနှင့် စက်မှုကဏ္ဍတို့တွင် ပူးပေါင်းဆောင်ရွက်မှုတိုးမြှင့်ရေး ဆွေးနွေးနိုင်ခဲ့ကြောင်း ၎င်းက ပြောသည်။ ထိုင်းခရီးစဉ်အတွင်း နယ်စပ်ဒေသတည်ငြိမ်ရေးနှင့် ကုန်သွယ်မှုမြှင့်တင်ရေးအပြင် ထိုင်းနိုင်ငံရောက် မြန်မာနိုင်ငံသားများနှင့် ရွှေ့ပြောင်းလုပ်သားများ၏ ဘေးကင်းလုံခြုံရေး၊ အလုပ်သမားအခွင့်အရေးနှင့် ဥပဒေအရ အကာအကွယ်ရရှိရေးကိုလည်း ထည့်သွင်းဆွေးနွေးခဲ့ကြောင်း လည်းနိုင်ငံတော်သမ္မတက ပြောသည်။ ————————— ❇️❇️❇️❇️❇️❇️ Ссылка скрыта

🔹🔹🔹🔹🔹 🚨 ပိတ်ဆို့အရေးယူမှုအသစ်များ ရင်ဆိုင်နေရချိန် အီရန်တွင် သဘာဝဓာတ်ငွေ့သိုက်အသစ်ကြီး ရှာဖွေတွေ့ရှိ ဩဂုတ် ၂၄၊ ၂၀၂၆ — အီရန်နိုင်ငံ ဖားစ်ပြည်နယ်တောင်ပိုင်းရှိ ဓာတ်ငွေ့ကွင်းတစ်ခုတွင် သဘာဝဓာတ်ငွေ့ ကုဗပေ ၇.၅ ထရီလီယံခန့် ရှာဖွေတွေ့ရှိခဲ့ကြောင်း ရေနံဝန်ကြီး မိုဆင် ပါက်နီဂျက်က ကြေညာခဲ့သည်။ 🇮🇷 ယင်းအနက် ကုဗပေ ၅.၇ ထရီလီယံခန့်ကို ထုတ်ယူနိုင်မည်ဟု ခန့်မှန်းထားပြီး တောင်ပါးစ် ဓာတ်ငွေ့ကွင်း၏ အဆင့်တစ်ဆင့်ကို ၁၅ နှစ်ခန့် ထောက်ပံ့နိုင်သည့် ပမာဏဖြစ်သည်။ စစ်ပွဲကြောင့် ပျက်စီးသည့် စွမ်းအင်အခြေခံအဆောက်အအုံများကို ပြုပြင်နေချိန်တွင် ယခုရှာဖွေတွေ့ရှိမှုက အီရန်အတွက် စီးပွားရေးအကျိုးအမြတ်ကြီးမားစေနိုင်သည်။ Source: Oil Ministry / Local Media

❗️❗️❗️❗️ 🚨 ဘင်္ဂလားပင်လယ်အော်တွင် ကုန်တင်သင်္ဘောနစ်မြုပ်၊ မြန်မာသင်္ဘောသား ၃ ဦး ပါဝင် ၂၃ ဩဂုတ်၊၂၀၂၆ ပနားမားအလံတင် အမ်ဗီ အိုးရှင်းဝင်းနာ ကုန်တင်သင်္ဘောသည် အိန္ဒိယနိုင်ငံ ပါရာဒီပ်ဆိပ်ကမ်းမှ သံရိုင်းတင်ဆောင်ထွက်ခွာပြီးနောက် ဘင်္ဂလားပင်လယ်အော်အတွင်း နစ်မြုပ်သွားခဲ့ရာ သင်္ဘောပေါ်တွင် မြန်မာနိုင်ငံသား သင်္ဘောသား ၃ ဦး အပါအဝင် စုစုပေါင်း ၂၄ ဦး လိုက်ပါခဲ့သည်။ 🇲🇲 သင်္ဘောသားများတွင် တရုတ်နိုင်ငံသား ၂၀ ဦးနှင့် ဘင်္ဂလားဒေ့ရှ်နိုင်ငံသား ၁ ဦးလည်း ပါဝင်ပြီး လက်ရှိတွင် အသက်ရှင်သူ ၂ ဦးကို ကယ်တင်ထားကာ ကျန် ၂၂ ဦးကို အိန္ဒိယကမ်းခြေစောင့်တပ်နှင့် ရေတပ်တို့က ဆက်လက်ရှာဖွေနေသည်။ Source: PTI / Indian Coast Guard

😀😃😄😁😆 ဘီလာရုစ်ရင်းနှီးမြှုပ်နှံမှုများ မြန်မာ့စီးပွားရေးကဏ္ဍစုံသို့ ဝင်ရောက်ရန် ဖိတ်ခေါ် ဩဂုတ်၂၀၊၂၀၂၆ (မင့်စ်) မြန်မာနိုင်ငံ၏ စိုက်ပျိုးမွေးမြူရေး၊ စက်မှုကုန်ထုတ်လုပ်ရေး၊ စွမ်းအင်၊ အခြေခံ အဆောက်အအုံ၊ ဒီဂျစ်တယ်နည်းပညာနှင့် AI အပါအဝင် စီးပွားရေးကဏ္ဍများတွင် ဘီလာရုစ် လုပ်ငန်းရှင်များ ရင်းနှီးမြှုပ်နှံရန် နိုင်ငံတော်သမ္မတ ဦးမင်းအောင်လှိုင်က ဖိတ်ခေါ်လိုက်ပြီး နှစ်နိုင်ငံ ကုန်သွယ်ရေးနှင့် ရင်းနှီးမြှုပ်နှံမှုကို မဟာဗျူဟာမြောက် တိုးချဲ့ရန် ဩဂုတ် ၂၀ ရက်က ဘီလာရုစ်နိုင်ငံ မင့်စ်မြို့၌ ကျင်းပသည့် မြန်မာ-ဘီလာရုစ် စီးပွားရေးဖိုရမ်တွင် တိုက်တွန်းခဲ့သည်။ President ဟိုတယ်၌ ကျင်းပသည့် ဖိုရမ်သို့ နိုင်ငံတော်သမ္မတ ဦးမင်းအောင်လှိုင်၊ ဘီလာရုစ်ဝန်ကြီးချုပ် Alexander Turchin၊ နှစ်နိုင်ငံအစိုးရတာဝန်ရှိသူများနှင့် စီးပွားရေးလုပ်ငန်းရှင်များ တက်ရောက်ခဲ့ကြပြီး B2B ပူးပေါင်းဆောင်ရွက်မှု၊ ပူးတွဲစီးပွားရေးစီမံကိန်းများ ဖော်ဆောင်ရေး၊ ရင်းနှီးမြှုပ်နှံမှု အခွင့်အလမ်းများ မျှဝေရေးနှင့် ကုန်သွယ်ရေးအတားအဆီးများ ဖြေရှင်းရေးတို့ကို ဆွေးနွေးခဲ့ကြသည်။ —————- ❗️❗️❗️❗️❗️ Ссылка скрыта

😀😃😄😁😆 နိုင်ငံတော်သမ္မတ ဘီလာရုစ်သို့တရားဝင်ခရီးစတင်၊ ဘီလာရုစ်ဝန်ကြီးချုပ်ကတွေ့ဆုံ၊စီးပွားရေး ဖိုရမ် တက်ရောက်၊ကျဆုံးသူရဲကောင်းဂုဏ်ပြု ၂၀ ဩဂုတ်၊၂၀၂၆ ပြည်ထောင်စုသမ္မတမြန်မာနိုင်ငံတော်၊ နိုင်ငံတော်သမ္မတဦးမင်းအောင်လှိုင်သည် ဘယ်လာရုစ်သမ္မတ နိုင်ငံ၊ သမ္မတ မစ္စတာ အလက်ဇန္ဒား လူကာရှန်ကို၏ ဖိတ်ကြားချက်အရ ဘယ်လာရုစ်သမ္မတနိုင်ငံသို့ တရားဝင်ခရီးစဉ် သွားရောက်ရန် ယနေ့ဩဂုတ်၂၀ရက် နံနက်ပိုင်းတွင် မော်စကိုမြို့မှ အထူးလေယာဉ်ဖြင့် ထွက်ခွာခဲ့ရာ ဘယ်လာရုစ်သမ္မတနိုင်ငံ၊ မင့်စ်မြို့ အပြည်ပြည်ဆိုင်ရာ လေဆိပ်သို့ရောက်ရှိသည်။ နိုင်ငံတော်သမ္မတ ဦးဆောင်သည့် မြန်မာအဆင့်မြင့်ကိုယ်စားလှယ်အဖွဲအား ဘယ်လာရုစ်နိုင်ငံ ဒုတိယဝန်ကြီးချုပ် H.E. Mr. Viktor Karankevich နှင့် တာဝန်ရှိသူများ၊ မြန်မာနိုင်ငံဆိုင်ရာ ဘယ်လာရုစ်နိုင်ငံသံအမတ်ကြီး၊ ဘယ်လာရုစ်နိုင်ငံခြားရေးဝန်ကြီးဌာနမှတာဝန်ရှိသူများ၊ ဘယ်လာ ရုစ်နိုင်ငံဆိုင်ရာ မြန်မာနိုင်ငံသံအမတ်ကြီးနှင့် သံရုံးဝန်ထမ်းများက ကြိုဆိုခဲ့ကြသည်။ ဘီလာရုစ်ဝန်ကြီးချုပ်နှင့်တွေ့ နိုင်ငံတော် သမ္မတ ထံ ဘီလာရုစ်သမ္မတနိုင်ငံဝန်ကြီးချုပ် H.E. Mr. Alexander Turchin က ယနေ့ဒေသစံတော်ချိန် နံနက် ၁၀ နာရီ ၄၅ မိနစ်တွင် မင့်စ်မြို၊ President  ဟိုတယ်၌ ဂါရဝပြုတွေ့ဆုံသည်။ စီးပွားရေးဖိုရမ်တက် ထို့နောက်မြန်မာ -ဘယ်လာရုစ် စီးပွားရေးဖိုရမ်အား ယနေ့ဒေသစံတော်ချိန် နံနက် ၁၁ နာရီတွင် မင့်စ်မြို၊ President  ဟိုတယ်၌ကျင်းပပြုလုပ်ရာ နိုင်ငံတော်သမ္မတ ဦးမင်းအောင်လှိုင်တက်ရောက်၍ အဖွင့်အမှာ စကား ပြောကြားသည်။ ကျဆုံးသူရဲကောင်းဂုဏ်ပြု ထို့အပြင် နိုင်ငံတော်သမ္မတသည် ယနေ့ ဩဂုတ် ၂၀ ရက်တွင် မင့်စ်မြိုရှိ  Victory Monument သို သွားရောက်၍ ကျဆုံးခဲ့သည့်သူရဲကောင်းများအား ဂုဏ်ပြုလွမ်းသူ့ပန်းခွေချခဲ့ကြောင်းသိရှိရသည်။

သမ္မတကြီးသည် ထိုင်းတွင်မြန်မာရွှေ့ပြောင်းလုပ်သားတွေရဲ့တရားဝင်ရပ်တည်ခွင့်နှင့် ဥပဒေဘောင်အတွင်းမှစောင့်ရှောက်ပေးရန် အလေးထားဆွေးနွေးခဲ့ဟု ဒေါက်တာ ဒေါ်ခိုင်ခိုင်စိုး ပြော "ထိုင်းမှာ မြန်မာနိုင်ငံက ရွှေ့ပြောင်းအလုပ်သမားတွေ ၄ သန်းလောက်ရှိတယ်လို့ ဆိုပါတယ်။ ရွှေ့ပြောင်းအလုပ်သမားတွေ ထိုင်းနိုင်ငံမှာတရားဝင်ရပ်တည်ခွင့်၊ လူမှုဘဝလုံခြုံစိတ်ချရမှုတွေအတွက် ဥပဒေဘောင်ထဲကနေ ရသင့်ရထိုက်တဲ့အခွင့်အလမ်းတွေရဖို့ သမ္မတကြီးက ဝန်ကြီးချုပ်၊ အမျိုးသားလွှတ်တော်ဥက္ကဌတို့နဲ့တွေ့စဉ်မှာအလေးထားဆွေးနွေးခဲ့ပါတယ်။ ထိုင်းရောက်မြန်မာနိုင်ငံသားတွေ အလုပ်သမားရေးရာပူးပေါင်းဆောင်ရွက်မှုနဲ့ အလုပ်သမားခန့်ထားရေးတွေနဲ့ပတ်သက်တဲ့ MOU ၂ ခုရေးထိုးခဲ့ပါတယ်" ဒေါက်တာ ဒေါ်ခိုင်ခိုင်စိုး (နိုင်ငံတော်သမ္မတရုံး၏ပြောရေးဆိုခွင့်ရှိသူ)