Nairi Hokhikyan - Армянский патриотизм

Ссылка скрыта

Որքան էլ ինձ համար անընդունելի լինի ՀՀԿ -ի ու հատկապես Սերժ Սարգսյանի վարած քաղաքականությունը և ինչքան կոշտ քննադատեմ նրանց, մի պարզ ճշմարտություն պետք է ասել։ ՀՀԿ կառավարման ժամանակ Հայաստանում թշնամանք չկար այն ժամանակվա ընդդիմադիրների նկատմամբ։ Ես եթերում քննադատում էի ՀՀԿ -ին, բայց փողոցում, օրինակ, Շարմազանովին տեսնելիս փոխադարձ հարգանքով շփվում էի, իսկ բանավեճերի ժամանակ մարդիկ պահպանում էին բարեկրթության սահմանները։ Երբեմն լինում էին փոխադարձ վիրավորանքներ, բայց երբեք դրանք թշնամանքի չէին վերածվում։ Թեպետ երկիրը ներսից փտում էր վատ կառավարման ու կոռուպցիայի պատճառով, բայց պահպանվում էին բարոյական արժեքները, մարդիկ ամոթի զգացում ունեին, փողոցում հայհոյելը համարվում էր շանտղություն, իսկ ատելություն չկար իշխանության ու ընդդիմության կողմնակիցների միջև։

300 հազար ադրբեջանցիների մասին խոսող հայ քաղաքական գործիչները պարտավոր են խոսել նաև 465 հազար հայերի մասին, որոնք 1988-92 թվականներին բռնի տեղահանվել են Բաքվից, Սումգայիթից, Նախիջևանից ու Գարդմանից (Գանձակ, Քարհատ, Գետաբակ, Շահումյան, և այլն): Թշնամու վտանգները հնարավոր է չեզոքացնել, եթե ոչ միայն դիմադրում ես, այլև հակահարված տալիս։ Ադրբեջանը այդքան լկտիացել է, քանի որ Հայաստանից ոչ մի քաղաքական ապտակ չի ստանում։