🔒Открыть пост
и посмотреть медиа
и посмотреть медиа
(ပြည်တွင်း) ဩဂုတ် ၇
ပြည်သူ့လွှတ်တော် ဒုတိယဥက္ကဋ္ဌ ဦးမောင်မောင်အုန်း (တပ်ကုန်းမြို့နယ် ပြည်သူ့လွှတ်တော်ကိုယ်စားလှယ်) သည် တပ်ကုန်းမြို့နယ်ရှိ ရွှေမြို့–သပြေချောင်း တံတားတည်ဆောက်မည့်နေရာသို့ ဩဂုတ် ၆ ရက် နံနက် ၈ နာရီအချိန်တွင် သွားရောက်ကွင်းဆင်းကြည့်ရှုခဲ့ကြောင်း သိရသည်။
အဆိုပါကွင်းဆင်းခရီးစဉ်တွင် ပြည်ခိုင်ဖြိုးပါတီ ပြည်ထောင်စုနယ်မြေပါတီကော်မတီဝင် ဦးကျော်ကျော်လတ်၊ ဥတ္တရခရိုင် အုပ်ချုပ်ရေးမှူး ဦးမြတ်ကိုထွေး၊ ခရိုင်စီမံအုပ်ချုပ်ရေးအဖွဲ့ဝင် ဦးဝင်းဗိုလ် (ခရိုင်ပါတီဥက္ကဋ္ဌ)၊ တပ်ကုန်းမြို့နယ် ခေတ္တအုပ်ချုပ်ရေးမှူး ဦးစစ်အောင်လတ်၊ မြို့နယ်စီမံအုပ်ချုပ်ရေးအဖွဲ့ဝင် ဦးဇော်မျိုးသိန်း (မြို့နယ်ပါတီဥက္ကဋ္ဌ)၊ တံတားတည်ဆောက်ရေးတာဝန်ရှိ ဌာနဆိုင်ရာများ၊ ရပ်ကွက်နှင့် ကျေးရွာအုပ်ချုပ်ရေးအဖွဲ့များ၊ ရပ်မိရပ်ဖများက ကြိုဆိုခဲ့ကြပြီး တံတားတည်ဆောက်ရေးအစီအစဉ်များအား ရှင်းလင်းတင်ပြကာ ယာယီဘေလီတံတား အမြန်တည်ဆောက်နိုင်ရေးအတွက် ဆွေးနွေးညှိနှိုင်း လမ်းညွှန်မှုများ ဆောင်ရွက်ခဲ့ကြောင်း သိရသည်။
ထို့နောက် နံနက် ၉ နာရီအချိန်တွင် တပ်ကုန်းမြို့နယ် အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ရပ်ကွက်နှင့် ကျေးရွာအုပ်ချုပ်ရေးမှူးများ၊ ဌာနဆိုင်ရာတာဝန်ရှိသူများနှင့် မြို့မိမြို့ဖများကို တွေ့ဆုံခဲ့ပြီး လွှတ်တော်ဆိုင်ရာ အတွေ့အကြုံများကို ရှင်းလင်းဆွေးနွေးကာ ဒေသဖွံ့ဖြိုးရေးဆိုင်ရာ တင်ပြချက်များအပေါ် ပြန်လည်ရှင်းလင်းဖြေကြားခဲ့ကြောင်း သိရသည်။
ယင်းနောက် နံနက် ၁၀ နာရီ ၃၀ မိနစ်အချိန်တွင် တပ်ကုန်းမြို့နယ် သာသနာ့ဗိမာန် တည်ဆောက်နေမှုကို သွားရောက်ကြည့်ရှုခဲ့ပြီး နံနက် ၁၁ နာရီအချိန်တွင် ညောင်ကိုင်းကျေးရွာအုပ်စု၊ ညောင်ကိုင်းကျေးရွာ ဘုန်းတော်ကြီးကျောင်း၌ ဦးမောင်မောင်အုန်းနှင့် မိသားစုတို့၏ လှူဒါန်းမှုများကို ဆရာတော်ထံ ရေစက်ချအမျှဝေကာ ဝါဆိုသင်္ကန်းဆက်ကပ်လှူဒါန်းဆောင်ရွက်ခဲ့ပြီး နံနက် ၁၁ နာရီ ၃၀ မိနစ်ခန့်တွင် အောင်မြင်စွာ ပြီးဆုံးခဲ့ကြောင်း သိရသည်။
Telegram -t.me/positiveanglenews
#PAN
