Popular Journal - журнал

👉၃၇ ကြိမ်မြောက် အာဆီယံပတ်ဝန်းကျင်ဆိုင်ရာ အဆင့်မြင့်အရာရှိကြီးများ အစည်းအဝေး မြန်မာနိုင်ငံက အိမ်ရှင်အဖြစ် ကျင်းပ 👉ရိုးရာဖိုက်တာ စောမင်းမင်း Inner Cycle 27 တွင် ထိုင်းဖိုက်တာ ဆူရီယန်လက်နှင့် ထိပ်တိုက်တွေ့မည် 👉သံလွင်မြစ်ရေ ၈၂၃ စင်တီမီတာအထိ မြင့်တက်မှုကြောင့် ဘားအံမြို့ အနိမ့်ပိုင်းရပ်ကွက်များ ရေဝင်ရောက်နေ၊ မြို့ပေါ်ရပ်ကွက်များ၌ ယာယီရေဘေးစခန်း ၁၆ ခု၊ ကျေးရွာအုပ်စုများတွင် ၁၁ ခု စုစုပေါင်း ၂၇ ခု ဖွင့်လှစ်

🌏🌏 12.8.2026 သတင်းအပြည့်အစုံ 🌏🌏 👉စစ်ကိုင်းတွင် ရေဘေးသင့်ပြည်သူများအား အခြေခံစားသောက်ကုန်နှင့် ထောက်ပံ့ပစ္စည်းများ ပေးအပ် 👉အမရပူရမြို့နယ်မှ ရေဘေးသင့်သူ(၂)ထောင်ဦးခန့်အား ထောက်ပံ့ပစ္စည်းများပေး 👉မူဆယ်မြို့၌ အွန်လိုင်းလိမ်လည်လောင်းကစားမှုများ လုပ်ကိုင်ခဲ့သော တရုတ်နိုင်ငံသား(၆ဝ)ဦးကို လုပ်ငန်းသုံးပစ္စည်းများနှင့်အတူဖမ်းမိ 👉ရန်ကုန် ကမ္ဘာအေးဘုရားလမ်းပေါ်ရှိ ဆက်သွယ်ရေးကြိုးများ၏ ကောင်း ကင်ကေဘယ်များကို မြေအောက်စနစ်သို့ပြောင်းလဲမည် 👉သီတဂူကမ္ဘာ့ဗုဒ္ဓတက္ကသိုလ်နှင့် ရုရှားနိုင်ငံ၊ ဗုဒ္ဓဘာသာ ပညာရေးနှင့် သု တေသနဖောင်ဒေးရှင်းတို့ပူးပေါင်းဆောင်ရွက်ရေးလက်မှတ်ရေးထိုး 👉ဟော်မုဇ် ရေလက်ကြားကို အမေရိကန် ထိန်းချုပ်ထား၊ အခြေအနေ ပြောင်းဖို့ ကြိုးစားရင် အီရန်ကို တိုက်ခိုက်မယ်လို့ ထရမ့် ပြောပြန် 👉ထိုင်းတွင် တရားမဝင် မြန်မာနှင့် တရုတ်လုပ်သားများ ဖမ်းဆီးခံရ 👉ငဝန်တာ၏အောက်ခံ မြစ်ကျိုးအင်းသဲကြောမှ ထူးပေါက်၍ တာတမံနိမ့်ကျသည့်နေရာတွင် Sheet Pile ရို-က်၍ ကာရံခြင်းလုပ်ငန်းဆောင်ရွက်နေ 👉ဖလမ်းမြို့တွင် 400 Volt ကာဗာ လျှပ်စစ်မီးကြိုးများ ပြန်လည်သွယ်တန်းလျက်ရှိ

မျိုးဆက်သစ်လူငယ်များ၏ပေါင်းစည်းအားသည် ငြိမ်းချမ်းရေးနှင့် ဖွံ့ဖြိုးမှုပန်းတိုင်ကိုရောက်ရှိရန် အထောက်အပံ့များစွာရရှိနိုင်ဟု နိုင်ငံတော်သမ္မတ ဦးမင်းအောင်လှိုင် ပြော ငြိမ်းချမ်းရေးတည်ဆောက်မှုလုပ်ငန်းစဥ်တွင် လူငယ်များ၏ပေါင်းစည်းအားအရေးကြီးခြင်းနှင့်ပတ်သက်၍ နိုင်ငံတော်သမ္မတ ဦးမင်းအောင်လှိုင်က ယနေ့ သြဂုတ် ၁၂ ရက်နံနက်ပိုင်းတွင် နေပြည်တော်ရှိ MICC-1 ၌ "နောက်ခံမတူငြား၊ ရည်မှန်းတူထား၊ လူငယ်အား" ဆောင်ပုဒ်နှင့်အညီကျင်းပသည့် ၂၀၂၆ ခုနှစ်၊ အပြည်ပြည်ဆိုင်ရာလူငယ်များနေ့အခမ်းအနား၌ အထက်ပါအတိုင်းပြောကြားခဲ့ခြင်းဖြစ်သည်။ " ငြိမ်းချမ်းရေးတည်ဆောက်မှုလုပ် ငန်းစဉ်တွေမှာ မျိုးဆက်သစ်လူငယ်တွေရဲ့ ရင့်ကျက်တဲ့အတွေးအခေါ်၊ မှန်ကန်တဲ့လုပ်ရပ်စတဲ့ပေါင်းစည်းအားတွေနဲ့ဆောင်ရွက်ကြမယ်ဆိုရင် အား လုံးလိုချင်တဲ့ ငြိမ်းချမ်းရေးနဲ့ဖွံ့ဖြိုးမှုပန်းတိုင်ကိုရောက်ရှိဖို့ အထောက်အပံ့တွေများစွာရရှိနိုင်မှာဖြစ်ပါတယ်"ဟု နိုင်ငံတော်သမ္မတက ပြောသည်။ ထို့ပြင် ဖွံ့ဖြိုးတိုးတက်နေသည့်ခေတ်တွင်ပြောင်းလဲမှုများနှင့်အတူ တည်ငြိမ်အေးချမ်းပြီး သဟဇာတဖြစ်သည့် လူ့အဖွဲ့အစည်းတစ်ရပ်ကိုတည်ဆောက်နိုင်မှသာ စဉ်ဆက်မပြတ်ဖွံ့ဖြိုးတိုးတက်သည့် အနာဂတ်အသီးအပွင့်များကိုဖော်ဆောင်နိုင်မည်ဟု ပြော သည်။ ထို့အတူ အားလုံးရင်ဆိုင်နေကြရသည့် စိန်ခေါ်မှုများကို အတူတကွဖြေရှင်းဆောင်ရွက်ရာတွင် လူငယ်များ၏ အရည်အချင်းနှင့် အရင်းအမြစ်များကို စုစည်းစွမ်းအားအဖြစ်အသုံးပြုကြရန်လည်း နိုင်ငံတော်သမ္မတက အလေးနက်ထားတိုက်တွန်းပြောကြားခဲ့သည်။ " လူငယ်တွေအနေနဲ့ နိုင်ငံတကာအသိုက်အဝန်းအတွင်းမှာ တက်တက်ကြွကြွပူးပေါင်းပါဝင်ကြဖို့လိုအပ်ပါတယ်။ မြန်မာလူငယ်တွေကို နိုင်ငံတော်ရဲ့အ ပြုသဘောဆောင်တဲ့ ကိုယ်စားလှယ်တွေအဖြစ် ကမ္ဘာ့အသိုက်အဝန်းနဲ့ရင် ပေါင်တန်းဆောင်ရွက်နိုင်စေဖို့အတွက် နိုင်ငံတော်က စဉ်ဆက်မပြတ်အားပေးဖြည့်ဆည်းဆောင်ရွက်ပေးနေပါတယ်" ဟုနိုင်ငံတော်သမ္မတက ပြောသည်။ ထို့ကြောင့် နိုင်ငံတစ်လွှားမှ လူငယ်များအားလုံး အသိပညာ၊ အတတ်ပညာများနှင့် ပြည့်ဝနေရုံသာမက ခေတ် မီနည်းပညာတတ်ကျွမ်းမှုများနှင့် ပြည့် စုံအောင်ကြိုးစားရန်၊ မိမိတို့၏ အဖိုး တန်ထက်မြက်လှသည့် စွမ်းရည်များကို နိုင်ငံတော်တည်ဆောက်ရေးလုပ်ငန်းစဉ်များတွင် တာဝန်ယူမှု၊ တာဝန်ခံမှုအပြည့်ဖြင့် တက်ကြွစွာပါဝင်ဆောင်ရွက်ရန်၊ နိုင်ငံတော်၏အနာဂတ်ဖွံ့ဖြိုးတိုးတက်မှုလုပ်ငန်းတတာဝန်ယူနိုင်သည့်ဝန်များကို လက်ဆင့်ကမ်းပခုံးပြောင်းကာ နိုင်ငံတော်က အားကိုးအားထားပြုနိုင်သော နိုင်ငံ့ရတနာ လူချွန်၊ လူကောင်းများဖြစ်လာအောင် ကြိုးစားလေ့ကျင့်ပျိုးထောင်ရန် နိုင်ငံတော်သမ္မတက တိုက်တွန်းပြောကြားခဲ့သည်။