Samarkand Самаркандцы - новости

Мактабларда чораклик баҳо 100 баллик тизим асосида шакллантирилади Мактабгача ва мактаб таълими вазирлиги янги баҳолаш тизимининг асосий мезонлари ҳақида маълумот берди. Унга кўра, янги тизим ўқувчининг фақат ёдлаган маълумотларини эмас, балки мавзуни қай даражада тушунгани, мустақил фикрлаши ва билимини амалда қўллай олишини баҳолашга қаратилган. Чораклик натижа жами 100 балл асосида шакллантирилади: Форматив баҳолаш – 10 балл. Дарс давомида ўқувчининг ўзлаштириши кузатилади, хатолар аниқланиб, уларни тузатиш имконияти берилади; БСБ – боб бўйича сумматив баҳолаш – 50 балл. Ўқувчининг мавзу ёки бўлимни қай даражада ўзлаштиргани баҳоланади; ЧСБ – чорак бўйича сумматив баҳолаш – 40 балл. Чорак давомида эгалланган умумий билим ва амалий кўникмалар якуний баҳоланади. ---------------- Samarkand & Самаркандцы Telegram I Facebook I Instagram