🔒Открыть пост
и посмотреть медиа
и посмотреть медиа
Дард яъне шаб бихобӣ ғусса бедорат кунад
Мисли ҳар шаб то саҳар бо ғам гирифторат кунад
Дард яъне дил бисӯзад зарра зарра бе садо
Буғз монда дар гулӯ ҳар лаҳза озорат кунад
Дард яъне бигзари аз кӯчаҳои хотирот
Ашкро аз дидаҳо тақдими рухсорат кунад
Дард яъне зери борон гиряҳо бо ёди ӯ
Нам-нами борон туро дилтанги дидорат кунад
Дард яъне рӯзгору талхии ин сарнавишт
Шер боши ҳамнишин бо гургу кафторат кунад
Дард яъне зохире ханда ба лаб дорӣ вале
Дарди пинҳон дар дарунат сахт беморат кунад
Дард яъне ки намеёбӣ касе санги сабур
Мисли маҳтобе ки равшан ин шаби торат кунад.
