🔒Открыть пост
и посмотреть медиа
и посмотреть медиа
Arazı üzə-üzə Azərbaycana keçən əfqanlar TUTULDU: biri məmur qardaşıdır
Lent.az xəbər verir ki, əfqanlar İmişli rayonu Bəhramtəpə qəsəbəsi ərazisində sərhədçilər tərəfindən saxlanılaraq, istintaqa təhvil veriliblər.
İttiham aktına görə, 27 və 23 yaşlı əcnəbilər Azərbaycana qanunsuz keçmək məqsədilə İranın paytaxtı Tehrandan taksi ilə Parsabad şəhərinə gəliblər. Buradan isə “Google Maps” tətbiqi vasitəsilə gecə saatlarında Araz çayını üzərək, Azərbaycana keçiblər. Lakin sərhəd zastavası ərazisində hərbçilər tərəfindən saxlanılıblar.
Onların barəsində cinayət işi başlanılıb.
Təqsirləndirilən 27 yaşlı əfqan bildirib ki, 7 ay əvvəl Əfqanistan İrana gəliblər. Təbrizdə tekstil firmasında işləyiblər. İranda miqrantların deportasiyası başlandığı və Əfqanistanda Taliban hakimiyyəti ilə problemləri olduğu üçün 23 yaşlı şəxslə birgə Azərbaycana qanunsuz keçməyə qərar veriblər. Bunun üçün yaşadıqları Tehrandan taksi ilə Azərbaycan sərhədindəki Parsabad şəhərinə gəliblər. Gecə saatlarında “Google Maps” tətbiqinin köməyilə Araz çayını üzərək Azərbaycana keçiblər. Lakin az sonra sərhədçilər tərəfindən saxlanılıblar.
27 yaşlı əcnəbi həmçinin qardaşının dövlət məmuru olduğunu da qeyd edib.
Məhkəmənin qərarı ilə onların hər biri 2 il müddətinə azadlıqdan məhrum edilib. Həmçinin onların cəzalarını çəkəndən sonra məcburi qaydada ölkədən çıxarılması qərarı verilib.
