Bellas Artes - estética casual

اني اليوم كشاب عراقي كافي خيري شري اروح واجي بحالي وماشي بصف الحايط، تسليم السلاح من عدمه ما يعنيني بشي.. لان لا اني عندي سيطرات واستفاد منها، ولا عندي فضائيين واخذ رواتبهم، ولا اتعامل وية احزاب وكذا.. اصلا العراق من يصير دولة ما بيها خطر على وجود الشركات الاجنبية وينتهي الابتزاز وغيرها اني راح استفاد لان راح اشتغل وتزداد فرص التوظيف والبطالة ومستوى المعيشة وهاي الفيكات.. لكن اليوم اني ما عندي ثقة بالقوات الامنية انها تكدر تحميني! القوات الامنية اليوم بظل مؤسسات الدولة الغرگانة بالفساد والرشاوي وانعدام الولاء للوطن، اكيد ما راح تسلم من كل ما سبق! اني اشوف نفسي محمي ومرتاح بوجود فلان فصيل وفلان جماعة.. لكن كدولة؟ ما عدها قرار ولا سيادة ولا شخصية.. لا تكدر ترد على قصف ولا تكدر تفرض هيبتها والقوات الامنية بمختلف التسميات بالرغم من كمية النسور والنجوم والسيوف على جتافهم لكن ما اثق بيهم بالامور الجبيرة مثل سيادة الدولة وغيرها.. مجرد تسيير امور يومية والحجي هواي