🔒Открыть пост
и посмотреть медиа
и посмотреть медиа
ပက်ဂွာဒီယိုလာဟာ အီတလီလက်ရွေးစင်အသင်းရဲ့ နည်းပြသစ်ဖြစ်လာဖို့ အတော်နီးစပ်ခဲ့တယ်လို့ မာဒီနီလ်က ပြောဆိုလာခဲ့ပါတယ် ။ အီတလီအသင်းဟာ ဂွာဒီယိုလာကို နံပါတ် ၁ ဦးစားပေးအဖြစ် ချဉ်းကပ်ခဲ့ပြီး ဂွာဒီယိုလာကလည်း စိတ်ဝင်စားမှုရှိခဲ့ပေမယ့် နောက်ပိုင်းမှာတော့ ဘောလုံးလောက ကနေ အနားယူချင်သေးတယ်လို့ဆိုကာ ကမ်းလှမ်းမှုကို ငြင်းပယ်သွားခဲ့ပါတယ် ။
"ကျွန်တော်တို့ ဂွာဒီယိုလာကို ဘာစီလိုနာမှာ တွေ့ခဲ့ကြတယ် ၊ အတူနေလည်စာစားပြီး တနေ့လုံး စကားတွေ ပြောဖြစ်ခဲ့ကြတာပေါ့ ။ ကျွန်တော်တို့ရဲ့ စိတ်ကူးတွေကို သူ တကယ်စိတ်ဝင်စားခဲ့တယ် ၊ လက်ခံဖို့တောင် အတော်နီးစပ်ခဲ့တာ ။ ကစားသမားတွေရဲ့ နာမည်တွေကိုတောင် သူ လိုက်ရေးမှတ်ခဲ့သေးတယ် ။ ဒါပေမယ့် နောက်တော့ သူ နားချင်သေးတယ်ဆိုပြီး ငြင်းခဲ့တယ်ဗျ ၊ အကြောင်းပြချက်ကတော့ သူ မောပန်းနေလို့ပါတဲ့ ။ သူက ပရီးမီးယားလိဂ်လိုနေရာမျိုးမှာ ၁၀ နှစ် နည်းပြလာခဲ့တာလေ ၊ သူ့ရဲ့ရွေးချယ်မှုကို ကျွန်တော်တို့ လေးစားပေးရမှာပါပဲ" လို့ မာဒီနီလ်က ပြန်ပြောင်းပြောပြသွားခဲ့ပါတယ် ။
ဒါ့အပြင် ဂွာဒီယိုလာနဲ့ သူတို့ဟာ အီတလီ ယူ-၁၇ အသင်းကနေ စတင်ပြီး အလေးအနက်ထား ဆွေးနွေးပြောဆိုခဲ့ကြတယ်လို့လည်း မာဒီနီလ်က ဆိုခဲ့ပါတယ် ။ လက်ရှိမှာတော့ အီတလီအသင်းဟာ နည်းပြဟောင်း ရော်ဘတ်တို မန်စီနီကို ပြန်လည်ခန့်အပ်သွားခဲ့ပါပြီ ။
#BiggBoss
