KHI News - новости Камбоджи

Ссылка скрыта

សេចក្ដីជូនដំណឹង ៖ ការបើកប្រាក់សោធនរបបសន្ដិសុខសង្គមលើកទី២ ប្រចាំខែសីហា ឆ្នាំ២០២៦ ជូនអតីតយុទ្ធជន អតីតមន្ត្រីរាជការស៊ីវិល និងអ្នកនៅក្នុងបន្ទុក នឹងត្រូវបើកជូននៅថ្ងៃទី២៧ ខែសីហា ឆ្នាំ២០២៦ វេលាម៉ោង ០៩:០០ព្រឹក តទៅ។ Ссылка скрыта

សេចក្តីប្រកាសព័ត៌មានស្តីពី លទ្ធផលនៃកិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា នាព្រឹកថ្ងៃទី២៥ ខែសីហា ឆ្នាំ២០២៦ Ссылка скрыта

ព្រះរាជសុន្ទរកថាទាំងស្រុងរបស់ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ ក្នុងព្រះរាជពិធីសម្ពោធដាក់ឱ្យប្រើប្រាស់វិមានសាមគ្គីភាព (អគារថ្មីនៃព្រឹទ្ធសភា) ២១ សីហា ២០២៦ Ссылка скрыта

ពិធីផ្សព្វផ្សាយស្តីពីប្រព័ន្ធសុវត្ថិភាពអគ្គិភ័យ និងប្រព័ន្ធបង្ការ និងពន្លត់ អគ្គិភ័យ ទៅដល់រោងចក្រសហគ្រាសក្នុងតំបន់សេដ្ឋកិច្ចពិសេសនានានៅក្នុងខេត្តស្វាយរៀង ព្រឹកថ្ងៃទី១៩ ខែសីហា ឆ្នាំ២០២៦នេះ ឯកឧត្តម ប៉េង ពោធិ៍សា អភិបាលនៃគណៈ អភិបាលខេត្តស្វាយរៀងបានអញ្ជេីញជាអធិបតីក្នុងពិធីផ្សព្វផ្សាយស្តីពីប្រព័ន្ធសុវត្ថិភាពអគ្គិភ័យ និងប្រព័ន្ធបង្ការ និងពន្លត់ អគ្គិភ័យ ជូនទៅដល់តំបន់សេដ្ឋកិច្ចពិសេស រោងចក្រសហគ្រាសនានាក្នុងខខេត្ត ដែលរៀបចំប្រព្រឹត្តទៅនៅសាលប្រជុំអគារសន្និបាត និងអាពាហ៍ពិពាហ៍ សួនទឹកគជំស្វាយព្រៃ ស្ថិតនៅភូមិបាក់រនាស់ សង្កាត់សង្ឃរ ក្រុងស្វាយរៀង ខេត្តស្វាយរៀង។ ពិធីនេះក៏មានការអញ្ជេីញចូលរួមពីប្រធាននាយកដ្ឋាននគរបាលបង្ការពន្លត់ អគ្គិភ័យ និងសង្គ្រោះ លោកអភិបាលរងខេត្ត លោកនាយករងរដ្ឋបាលសាលាខេត្ត លោកឧកញ៉ាប្រធានសភាពាណិជ្ជកម្មខេត្ត លោកឧត្តមសេនីយ៍មេបញ្ជាការកងកម្លាំងទាំងបី លោក លោកស្រីប្រធានមន្ទីរ-អង្គភាព អភិបាលក្រុងស្រុក អស់លោក លោកស្រី តំណាងតំបន់សេដ្ឋកិច្ចពិសេស ក្រុមហ៊ុន រោងចក្រ សហគ្រាសនានា ក្នុងខេត្តសរុបវត្តមានប្រមាណ៤០០នាក់៕ Ссылка скрыта

«វិមានសាមគ្គីភាព» នឹងសម្ពោធដាក់ឱ្យប្រើប្រាស់ជាផ្លូវការនៅថ្ងៃទី ២១ ខែ សីហា ឆ្នាំ ២០២៦ ក្រោមព្រះរាជាធិបតីភាពដ៏ខ្ពង់ខ្ពស់បំផុតរបស់ព្រះមហាក្សត្រ អគាររដ្ឋបាលថ្មីរបស់ព្រឹទ្ធសភានៃព្រះរាជាណាចក្រកម្ពុជា ដែលមាននាមថា «វិមានសាមគ្គីភាព» នឹងប្រកាសសម្ពោធដាក់ឱ្យប្រើប្រាស់ជាផ្លូវការនៅថ្ងៃទី២១ ខែសីហា ឆ្នាំ២០២៦ ខាងមុខនេះ។ ពិធីដ៏មហោឡារិកនេះ នឹងប្រព្រឹត្តទៅក្រោមព្រះរាជាធិបតីភាពដ៏ខ្ពង់ខ្ពស់របស់ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ដោយមានការអញ្ជើញចូលរួមអមព្រះរាជដំណើរពីសំណាក់ថ្នាក់ដឹកនាំកំពូលៗរបស់ជាតិជាច្រើនរូប។ គួររំលឹកថា «វិមានសាមគ្គីភាព» គឺជាសមិទ្ធផលដ៏ធំធេងមួយដែលត្រូវបានស្ថាបនាឡើងយ៉ាងប្រណីត ដោយផ្អែកលើរចនាបទស្ថាបត្យកម្មខ្មែរទាំងស្រុង និងបានបញ្ចប់ការសាងសង់ជាស្ថាពរនៅកំឡុងដើមឆ្នាំ២០២៦ នេះ។ Ссылка скрыта