Michael Saw - контент-канал

သနားပြီ ဆိုယင်- ခံရပြီမှတ် ( #ဆုတင် မှတ်စု ) လူတွေက စစ်ပွဲဆိုရင်- ကိုယ်ကချတာလို့ပဲ ထင်တတ်ကြတယ်။ ကိုယ့်ဘက်က အခံပြပြီး တဘက်သူကို အများနဲ့ရန်တိုက်ပေးတာကို စစ်ပွဲလို့ မထင်ကြဘူး။ စစ်ပွဲရဲ့ ရည်ရွယ်ချက်က အောင်မြင်ဘို့ပဲလေ။ ဒီတော့ တိုက်စစ်မှသာ စစ်ပွဲမဟုတ်ဘူး။ ပုလဲ ဆိပ်ကမ်း နဲ့- ၉၁၁ ကိစ္စတွေ- ပြောရင်- Conspiracy Theory တွေလို့ ဆိုစရာရှိသေးတယ်။ အခုပြောမှာက လက်တွေ့ ဖြစ်ရပ်တခု- သူ့နာမည်က ကို ### ။ ကိုယ်ခန္ဓာချို့ယွင်းချက် အနေနဲ့- ခြေသိမ်- ခြေလိမ်တယ်။ သူ့အနေနဲ့ မိန်းကလေး တယောက်ကို ကြိုက်လို့ သူလိုက်ပြောခဲ့ချိန်မှာ- မိန်းကလေး ရဲ့- သူ့လို ဒုက္ခိတက- သူမ-လို မိန်းကလေး ကို ကြိုက်ရမလား၊ လိုက်ရမလား။ တန်မတန် မသိဘူးလား ဆိုပြီး- စော်ကားတာကို သူခံခဲ့ရတယ်။ ဒီအခါမှာ- ဒီမိန်းကလေးကို မရ-ရအောင် လိုက်ပြီး- ပြန်အညွန့်ချိုး စော်ကားရမယ့်- စစ်ပွဲအဖြစ် သူသတ်မှတ်ခဲ့လိုက်တယ်။ မိန်းကလေး- ကျောင်းခန်း- ကျူရှင်ခန်းတွေမှာ- သူ့ကို မြင်အောင် အပြင်က စောင့်တယ်။ တခါတလေ- ကျူရှင်ခန်း အပြင်က- သစ်ပင်အောက်မှာ စောင့်ရင်း- မိုးရွာလာတဲ့ အခါ- မိုးရေထဲမှာ- ဆက်စောင့်တယ်။ ဒါပေမယ့်- မိန်းကလေး အနီးကိုတော့ သူမချဉ်းကပ်တော့ဘူး။ သူ့အချစ်ဟာ- ပေးဆပ်ခြင်း ဆိုတဲ့ အသွင်မျိုးဖြစ်အောင် နေခဲ့တယ်။ မိန်းကလေး-က ကျူရှင်ခန်းထဲကနေ- သူမိုးရေထဲမှာ စောင့်တာတွေ့တော့- သနားတာပေါ့။ သူမကို တကယ်ချစ်တာလို့ ယုံကြည်လာမိတယ်။ ဒါပေမယ့်- မိန်းကလေးမှာ ရည်းစားရှိတယ်။ ကို #### က- အဲဒီမိန်းကလေး ရဲ့ အရိပ်သဘွယ် လိုက်နေတာကို- မိန်းကလေး ရဲ့- ရည်းစားက သိသွားတယ်။ တနေ့မှာ- ဟိုအတွဲက- ရှေ့က လျှောက်သွားတယ်။ သူက နောက်မလှမ်းမကမ်းမှာ- ထုံးစံ အတိုင်း ထော့နဲ့ ထော့နဲ့ - နဲ့ပေါ့။ မိန်းကလေးရဲ့ ရည်းစားဖြစ်သူက- သူ့ကို ကြည့်မရတော့ဘူး။ ဒါနဲ့ သူ့ကို သွားရှင်းတယ်။ မိန်းကလေး က ကြည့်နေတယ်.. သူကလည်း Drama မြောက်အောင်- ပြောနိုင်တယ်။ ဟိုလူက ဒေါသဖြစ်ပြီး- ထိုးတဲ့ အခါ မှာ- သူလဲကျတယ်။ လဲကျတဲ့- နေရာက နောက်မှာ- ရေအိုင်ဗွက် ရှိတော့- အဲဒီမှာ- ပုံပျက်ပန်းပျက်ပေါ့. ဟိုလူက လှည့်ထွက်သွားပေမယ့်- ဒီလောက် က ဇတ်မနာသေးဘူး ဆိုတာကို ကို ### သိတယ်။ ဒီတော့- ရေအိုင်ထဲကနေ- ထော့နဲ ထော့နဲ့ သူရဲ့ မစွမ်းမသန် ကို တမင်ဖေါ်ပြရင်း- မခံချင်အောင် ထပ်ပြောတယ်။ ဟိုလူက- ပြန်လာပြီး- ရေအိုင်ထဲမှာ ထပ်ကန်တယ်။ ရေအလူးလူး - ဗွက်အလူးလူး ပေါ့.. သူ့ရဲ့ ရည်ရွယ်ချက်ကို က ပြန်ချဘို့ မဟုတ်ဘူး။ ချလည်း နိုင်မှာ မဟုတ်ဘူးလေ။ သူက များများခံရဘို့. ရုပ်ပျက်ဆင်းပျက် ခံရဘို့၊ သနားစရာကောင်းအောင် ခံရဘို့၊ ဟိုလူရဲ့ ဒေါသတွေ တထောင်းထောင်းဖြစ်အောင် ဆွပေးဘို့. ကောင်မလေးက- အစကတည်းက- သူ့လူကို လာသွားကြရအောင် ဆွဲခေါ်ပေမယ့် အခုလို- သူ့ရည်းစားက ဒုက္ခိတကို အနိုင်ကျင့်တာကို မြင်ရတဲ့ အခါမှာ- သူအရမ်းရွံရှာသွားတယ်။ လ-ပေါင်းများစွာ- သူကို ထပ်မနှောက်ယှက်ပဲ- ကျူရှင်နဲ့ ကျောင်းခန်းတွေရှေ့မှာ အရိပ်သဘွယ် ပြနေတဲ့- ကို ### ဟာ- သူမကို တကယ့် အချစ်စစ်နဲ့ ချစ်သူလို့ သူထင်သွားခဲ့တယ်။ ဒီတော့- သူ့ရည်းစားကို သူဖြတ်လိုက်တယ်။ ကို #### ကို ချစ်သူအဖြစ် လက်ခံလိုက်တယ်။ ဟိုတုန်းက ချစ်သူတွေက- ခုခေတ်လို အလွယ်တကူနဲ့- တည်းခိုခန်း ရောက်သွားလေ့တော့ မရှိဘူး။ အဲဒီတော့ ကို #### က- နောက်ထပ် ဇတ်ကွက်တကွက် ထပ်ရွေ့ခဲ့ပြီး- ကောင်မလေး ဆီက- သူလိုချင်တာ ရအောင် လုပ်သွားခဲ့တယ်။ နောက်ဆုံးကောင်မလေးက- သူ့ကို ယူခိုင်းတဲ့ အချိန်ကျတော့မှ- ဒုက္ခိတကို မယူပါနဲ့လို့ စကားနာထိုးပြီး- ဖြတ်ပစ်ခဲ့တယ်။ ဒါတွေ အားလုံးကို ကျွန်တော့ကို သူကိုယ်တိုင် ပြန်ပြောပြခဲ့တာ။ ကျွန်တော်က- ၁၀-တန်းနှစ်၊ အရာရာကို ရိုးရိုးပဲ မြင်သေးတဲ့ အချိန်မှာ- သူရှင်းပြတော့မှပဲ- Drama ကောင်းကောင်းခင်း တတ်ယင် လူတွေရဲ့ အသည်းနှလုံးတွေနဲ့ လောကကြီးကို လိမ်လို့ ရတယ် ဆိုတာ နားလည်လိုက်ရပါတော့တယ်။ သနားပြီ ဆိုယင်- ခံရပြီမှတ်... သည်ဇာတ်လမ်းလေးကို အမြင်ကျယ်ပြီး အကျယ် မြင်နိုင်ကြပါစေ credit to နြူမာန်မိုးတား 20210807 #ဆုတင်