RSNWEB - Noticias de Yangon

⚫️ သင်္ဃန်းကျွန်း၊ လေးထောင့်ကန်လမ်းပေါ် သွားလာနေသည့် လူငယ်ကို ကားပေါ်ဆွဲတင်ဖမ်းခေါ်သွား ယနေ့ ဩဂုတ်လ ၂၈ ရက် ည ၇ နာရီခွဲခန့်တွင် ရန်ကုန်တိုင်း၊ သင်္ဃန်းကျွန်းမြို့နယ်၊ လက်ဆည်ကန်အနီး (ဘီအိုစီမှတ်တိုင်အနီး)၊ လေးထောင့်ကန်လမ်းပေါ် ယောကျ်ားလေး ၁ ဦး လမ်းလျှောက်သွားလာနေစဉ် Mark II အဖြူရောင် ကားဖြင့် အရပ်ဝတ်လူ ၂ ယောက် ရုတ်တရက်ရောက်လာပြီး ကားပေါ်ဆွဲတင်ဖမ်းခေါ်ကာ သံသုမာလမ်းဘက်သို့ မောင်းထွက်သွားကြောင်း သိရှိရသည်။ Source: Scout Yangon 28 Aug 2026 #RangoonScoutNetwork

⚫️ စမ်ချောင်းမြို့နယ်ထဲ လူငယ်များကို ရှောင်တခင်ခေါ်စစ်ပြီး ဖမ်းဆီးသွား ယနေ့ ဩဂုတ်လ ၂၈ ရက် မနက် ၈ နာရီခွဲခန့်တွင် ရန်ကုန်တိုင်း၊ စမ်းချောင်းမြို့နယ်၊ ဟုမ်းလမ်းဘူတာရပ်ကွက်၊ ဟုမ်းလမ်းပေါ် ယောကျ်ားလေး ၂ ဦး အလုပ်သို့သွားရန် လမ်းလျှောက်ထွက်လာစဉ် အကြမ်းဖက်တပ်သားများက တားဆီး မေးမြန်း၍ အိတ်များပါ ဖွင့်စစ်ပြီးနောက် ဖမ်းဆီးခေါ်ဆောင်သွားကြောင်း သိရှိရသည်။ စစ်ကား SC ၁ စီး၊ အရပ်ကား ၁ စီးတို့ဖြင့် အကြမ်းဖက် စစ်သား နှင့် အရပ်ဝတ် အင်အား ၁၀ ယောက်ခန့်ပါသည်။ Source: Sanchaung Scout Channel 28 Aug 2026 #RangoonScoutNetwork

⚫️ ရွှေပြည်သာ၊ ၁၂ ရပ်ကွက်ရှိ အဆောင်ထဲ လူဝင်ဖမ်း ဩဂုတ်လ ၂၆ ရက်နေ့ ည ၈ နာရီခန့်တွင် ရန်ကုန်တိုင်း၊ ရွှေပြည်သာမြို့နယ်၊ ၁၂ ရပ်ကွက်၊ အပိုင်း ၄၊ ကံ့ကော်လမ်းရှိ အဆောင်တခုသို့ အကြမ်းဖက်စစ်သား ၂ ယောက် ဝင်လာပြီး လူငယ် ၂ ဦးကို ဖမ်းဆီးခေါ်ဆောင်သွားကြောင်း သိရှိရသည်။ Source: MPA 28 Aug 2026 #RangoonScoutNetwork

▪️၈၈၈၈ နှစ်ပတ်လည်နေ့ လှုပ်ရှားမှုများ ပြုလုပ် ယနေ့ ဩဂုတ်လ ၈ ရက် (၈၈၈၈ အရေးတော်ပုံကြီး ၂၈ နှစ်မြောက် နှစ်ပတ်လည်နေ့) တွင် ကိုညီညီအောင်ထက်နိုင် ကျဆုံးခဲ့သည့် ကမာရွတ်မြို့နယ်၊ အထက (၅) ကျောင်းရှေ့၌ '#8888' ဘန်နာစာတန်းကိုင်ဆောင်၍ "ရေဘဝဲ" (ပြည်သူ့အကျိုးပြု လူငယ်အဖွဲ့အစည်း) မှ လှုပ်ရှားခဲ့ကြသည်။ ထို့ပြင် Owl Community၊ Kyimyindaing Networks (KMD18)၊ Mayangone Democratic Front (MDF)၊ Linn Yaung Ni Youth Organization (LYNYO) တို့ ရန်ကုန်တော်လှန်ညီနောင် (၄) ဖွဲ့မှလည်း ရန်ကုန်မြို့တနေရာ ကုန်းကျော်တံတားဘေး ကွန်ကရစ်နံရံပေါ်Projector ဖြင့် တော်လှန်ရေးစာသားနှင့် ပုံရိပ်များထိုးပြခဲ့ပြီး လှုပ်ရှားခဲ့ကြကြောင်း ယမန်နေ့က ထုတ်ပြန်ကြေညာခဲ့သည်။ 08 Aug 2026 #RangoonScoutNetwork

ရန်ကုန်တိုင်း သပိတ်လှုပ်ရှားမှုများ (ဇူလိုင်လ ၂၀၂၆) •••••••••••••••®••••••••••••••• ပြီးခဲ့တဲ့ဇူလိုင်လအတွင်း ၆၄ နှစ်မြောက် ဆဲဗင်းဂျူလိုင် (7 July) အထိမ်းအမှတ်အဖြစ် တော်လှန်ရေးလူငယ်များစုပေါင်း၍ "၇.၇.၆၂ မမေ့ကြနဲ့" ၊ 7-7-62 DON’T FORGET ဟူသော စာတမ်းပါ တီရှပ်များကို ဝတ်ဆင်ကာ ဇူလိုင်လ ၇ ရက်နေ့တွင် လှုပ်ရှားမှုတစ်ရပ် ပြုလုပ်ခဲ့ကြသည်။ 08 Aug 2026 #strike #RangoonScoutNetwork

🟠 မြောက်ဥက္ကလာ၊ က ရပ်ကွက် အစစ်အဆေးသတိ ယနေ့ည ၁၀ နာရီခန့်တွင် မြောက်ဥက္ကလာမြို့နယ်၊ က ရပ်ကွက်ထဲ အကြမ်းဖက်စစ်သား အင်အားအများ ရောက်ရှိနေကြောင်း သတင်းရရှိသည်။ အစစ်အဆေးဝင်နိုင်ချေရှိသည်။ 07 Aug 2026 #RangoonScoutNetwork