Zalen - чінські новини

၁၀ ရက်ကြာဖမ်းဆီးခံထားရတဲ့ CPAရဲမေ မိခင်တပ်ရင်းသို့ ပြန်လည်ရောက်ရှိ ===== ဩဂုတ် ၇၊၂၀၂၆ Zalen ပြီးခဲ့တဲ့ ဇူလိုင်လ ၂၉ ရက်နေ့က မကွေးတိုင်း ၊ တိုင်းစစ်ဌာန ပကဖ ၊ ပလဖ ၊ပအဖ ပူးပေါင်းပြီး ဖမ်းဆီးထားတဲ့ CPA ရဲမေတစ်ဦး ၁၀ ရက်အကြာမှာ မိခင် တပ်ရင်း၊တပ်မဟာ ကိုပြန်ရောက်လာတယ်လို့ စစ်ရေးသတင်းရင်းမြစ်တွေထံက သိရပါတယ်။ အဆိုပါရဲမေဟာ ချင်းပြည်သူ့တပ်မတော် CPA တပ်မဟာ-၁ မှာ တာ၀န်ထမ်းဆောင်ခဲ့ပြီး နေရပ် မကွေးတိုင်း ၊ ဆောမြို့နယ် ၊ တောင်ပေါက်တောကျေးရွာကို ပြန်သွားတဲ့အချိန်မှာ မကွေးတိုင်းစစ်ဌာနက ဖမ်းဆီးခဲ့တာလည်းဖြစ်ပါတယ်။ " လာရောက်ဖမ်းဆီးတာက တိုင်းကပြောကြတယ် ။ ရဲမေတွေလည်းမပါဘူး။ ယောက်ျားတွေပဲလာခေါ်တာပါ " လို့ လာဖမ်းဆီးစဉ်က မြက်မြင်တွေ့ရှိသူတစ်ဦးက Zalen ကိုပြေပါတယ်။ ဆက်လက်ပြီး လာရောက်ဖမ်းဆီးမှု ၊ ဖမ်ူဆီးစစ်ဆေးရတဲ့အကြောင်း ၊ ဘာကြောင့်ဖမ်းဆီးတယ်ဆိုတာကို ဆော ပကဖ ၊ ပလဖ ၊ပအဖ ၊ ခရိုင် ပကဖ နဲ့ CPA တာ၀န်ရှိသူတွေကို Zalen က မေးမြန်းခဲ့ပေမဲ့ ဖြစ်စဉ် ကို ဖြေကြားပေးခြင်းမရှိခဲ့ပါဘူး။ ဖမ်းဆီးခံရပြီး ၁၀ ရက်အကြာမှာတော့ မသူဇာ ၊ CPA ရဲမေတစ်ဦးဟာ မိခင်တပ်ရင်း ၊ တပ်မဟာကိုပြန်လည်ရောက်ရှိနေပြီလို့ တာ၀န်ရှိသူတွေက ပြောပါတယ်။ "ကန်ပက်လက်နယ်တော့ ရောက်ပီ၊ အဆင်ပြေပြေရောက်လာပါတယ် “လို့ လက်ရှိ CPA မှ တာဝန်ရှိသူတဦးက Zalen ကိုပြောပါတယ်။ မသူဇာကတော့ CDF- Kanpetlet ကို ၂၀၂၁ ခုနှစ် ၊ဩဂုတ်လ ကတည်းကရောက်ရှိခဲ့တာဖြစ်ပြီး ချင်းပြည်သူ့ကာကွယ်ရေး ၊ ချင်းပြည်သူ့အစည်းအရုံး (CPA/CPU) ဖွဲ့စည်းကတည်းက အဆိုပါအဖွဲ့အစည်းမှာ ရဲမေတစ်ဦးအဖြစ် တာ၀န်ထမ်းဆောင်ခဲ့သူလည်းဖြစ်တယ်လို့ သိရပါတယ်။ သတင်း - မိုင်လှူးလှူး