Dövlət İmtahan Mərkəzi - официальный канал

Universitetə qəbul üçün toplanılan bal vacibdir, lakin o yalnız qapını açır, hansı yolla gedəcəyini isə peşə seçimi müəyyən edir. Çox vaxt bu seçim tələsik, başqalarının təsiri ilə və ya yalnız peşənin nüfuzu və gəlir imkanları nəzərə alınaraq edilir. Halbuki peşə seçimi təsadüfi qərar olmamalıdır. Bu seçimin öz məntiqi, mərhələləri və yanaşmaları var. Dövlət İmtahan Mərkəzi abituriyentlərin peşə seçimi ilə bağlı maarifləndirilməsi məqsədilə hazırlanan və “Abituriyent” 4 jurnalında verilən Hansı peşəni seçəcəyimi hələ də bilmirəm – Bu, normaldırmı? məqaləsini təqdim edir. Bu məqalədə psixoloji tədqiqatlara əsaslanaraq dörd suala cavab axtarılır: – Bu yaşda qərarsızlıq normaldırmı? – Özünə uyğun peşəni necə tapmaq olar? – Peşəni hansı meyarlarla seçmək lazımdır? – Peşə seçiminə daha hazırlıqlı olmaq üçün bacarıqlarını necə inkişaf etdirə bilərsən? İxtisas seçimindən əvvəl bütün abituriyentlərə bu məqalə ilə tanış olmağı tövsiyə edirik: Məqaləyə keçid: Ссылка скрыта

Dövlət İmtahan Mərkəzi I, II, III və IV ixtisas qruplarında müsabiqədə iştirak etmək hüququ qazanmış abituriyentlər üçün “İxtisas seçimi zamanı nələrə diqqət yetirməli?” adlı kitabçalar nəşr edib. Kitabçaları DİM-in əsas inzibati binasından (Bakı şəhəri, Nəsimi rayonu, Akademik Həsən Əliyev küçəsi, 299), “Abituriyent” satış məntəqəsindən (Bakı şəhəri, Nizami rayonu, Davud Aslan küçəsi, 2A), həmçinin kitab mağazalarından almaq, Ссылка скрыта saytında və Wolt tətbiqində sifariş etmək mümkündür. Ссылка скрыта Kitabçaları elektron versiyasını (PDF formatda) www abiturient.az saytında əldə etmək olar. Yaxın vaxtlarda V qrup üzrə də nəşr olunacaq.

Abituriyentlər ixtisas seçimi ilə bağlı Azərbaycan Universiteti, Qərbi Kaspi Universiteti, Bakı Biznes Universiteti, Odlar Yurdu Universiteti, Azərbaycan Memarlıq və İnşaat Universiteti, Azərbaycan Texniki Universiteti, Azərbaycan Milli Konservatoriyası, Azərbaycan Dövlət Neft və Sənaye Universiteti, Azərbaycan Dövlət Aqrar Universiteti, Sumqayıt Dövlət Universitetində və DİM-in regional bölmələrində ödənişsiz əsaslarla fəaliyyət göstərən “Abituriyent Məsləhət Mərkəzləri”nə müraciət edə bilərlər. Bundan əlavə, Ссылка скрыта linkində verilmiş tarixlərdə rayon təhsil sektorları və bəzi məktəblərdə DİM-in əməkdaşları tərəfindən abituriyentlərə tələbə qəbulu qaydaları, “Abituriyentin elektron ixtisas seçimi ərizəsi”nin doldurulma və təsdiq edilməsi qaydası, müsabiqə şərtləri, ixtisas seçimi zamanı diqqət yetirilməli olan vacib məsələlər və s. haqqında ödənişsiz kömək göstəriləcək. Qeyd edək ki, ali təhsil müəssisələrinə ixtisas seçimi 12 – 19 avqust tarixlərində aparılacaq.