🔒Открыть пост
и посмотреть медиа
и посмотреть медиа
UNESCO Global Geopark သတ်မှတ်ခံရရေး ပုပ္ပားတောင်အမျိုးသားဥယျာဉ်နှင့် ဘူမိနယ်မြေများ ဖွံ့ဖြိုးတိုးတက်ရေး ဆက်လက်ဆောင်ရွက်မည်
𝙈𝙃𝙏𝙉𝙀𝙒𝙎《𝘼𝙐𝙂～𝟐𝟏》
အမျိုးသားအဆင့် ဘူမိဥယျာဉ်ဆိုင်ရာကော်မတီ၏ (၁/၂၀၂၆) အစည်းအဝေးကို ယနေ့မွန်းလွဲပိုင်းတွင် နေပြည်တော်ရှိ သစ်တောဦးစီးဌာနရုံးချုပ် အင်ကြင်းခန်းမ၌ ကျင်းပခဲ့သည်။
အစည်းအဝေးတွင် လုပ်ငန်းလိုအပ်ချက်များအရ လုပ်ငန်းကော်မတီနှင့် နည်းပညာအဖွဲ့များကို ပြင်ဆင်ဖွဲ့စည်းရေး၊ ဘူမိနယ်မြေများ ထပ်မံတိုးချဲ့ဖွဲ့စည်းနိုင်ရေးနှင့် ပုပ္ပားတောင်အမျိုးသားဥယျာဉ်အပါအဝင် Geosites များကို အခြေခံသည့် ဘူမိခရီးသွားလုပ်ငန်းများ ဖွံ့ဖြိုးတိုးတက်လာစေရေး ဆွေးနွေးခဲ့ကြသည်။
သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန ပြည်ထောင်စုဝန်ကြီး ဦးဆန်းဦးက ပုပ္ပားတောင်အမျိုးသားဥယျာဉ်နှင့် Geosites များအား ပြည်ပခရီးသွားများ ပိုမိုသိရှိလာစေရေး၊ UNESCO ကမ္ဘာလုံးဆိုင်ရာ ဘူမိဥယျာဉ် (UNESCO Global Geopark) အဖြစ် သတ်မှတ်ခံရရေးအတွက် ကျန်ရှိနေသည့် လုပ်ငန်းများကို သက်ဆိုင်ရာဝန်ကြီးဌာနများနှင့် ပေါင်းစပ်၍ သတ်မှတ်ချက်များနှင့်အညီ ဆက်လက်ဆောင်ရွက်သွားရန် ပြောကြားခဲ့သည်။
𝗥𝗲𝗮𝗱 𝗠𝗼𝗿𝗲.. Ссылка скрыта
