🔒Открыть пост
и посмотреть медиа
и посмотреть медиа
💧 Ich ketganda ORS (regidratatsion eritma)ni uyda qanday tayyorlash mumkin?
Ich ketishi yoki qusishda organizm ko‘p miqdorda suv va tuzlarni yo‘qotadi. Bunday holatda suvsizlanishning oldini olish uchun ORS — og‘iz orqali regidratatsion eritma beriladi.
🏠 Uy sharoitida tayyorlash:
🔹 1 litr toza, qaynatib sovutilgan suv
🔹 6 choy qoshiq shakar 🍬
🔹 ½ choy qoshiq tuz 🧂
Barchasini yaxshilab aralashtiring.
⚠️ Muhim!
Shakar yoki tuzni ko‘proq solish mumkin emas. Eritma juda sho‘r yoki juda shirin bo‘lsa, bolaga zarar yetkazishi mumkin.
❌ ORSga soda, sharbat yoki boshqa mahsulotlarni qo‘shmang.
💡 Nega shakar va tuz kerak?
Shakar (glyukoza) natriyning ichakdan so‘rilishiga yordam beradi, natriy bilan birga esa suvning so‘rilishi kuchayadi. Tuz esa ich ketishda yo‘qotilgan elektrolitlarni to‘ldirishga yordam beradi.
👶 Ayniqsa bolalarda ich ketishi paytida suvsizlanish tez rivojlanishi mumkin. Bola holsiz bo‘lsa, ko‘zi ichiga tushsa, siydigi kamayib ketsa, icha olmasa yoki qayta-qayta qussa — zudlik bilan shifokorga murojaat qiling.
📌 Yodda tuting:
1 litr suv + 6 choy qoshiq shakar + ½ choy qoshiq tuz.
Sog‘lom bo‘ling! 🤍
