Brave Generation - мотивация

አንድ ሰውዬ ከጥርሶቹ መሀል አንዲት የበሰበሰች ጥርስ ነበረችው፡፡ ይህቺ ጥርሱ ሌት ከእንቅልፉ እያነቃች በጣም ታሰቃየው ነበር፡፡ ወደ አንድ ሀኪም ሄደና እንዲነቅልለት ጠየቀው፡፡ ሀኪሙም የተሻለ መፍትሄ እያለ ለምን ትነቅለዋለህ ብሎ ጥርሱን እየበሳ ካከመው በሃላ በወርቅ ፍቅፉቂ ሞልቶ አሁን ይሻልሀል ብሎ ሸኘው፡፡ ነገር ግን የበሰበሰው ጥርስ ሳምንት ሳይሞላው ክፉኛ ያሰቃየው ጀመር፡፡ በዚህ ትእግስት ያጣው ሰውዬው ወደ ሌላ ሀኪም ሄዶ ምንም ሳትለኝ ይህን ጥርስ ነቅለህ ጣልልኝ አለው፡፡ ሀኪሙም የበሰበሰውን ጥርስ ነቀለለት፡ ሰውዬውም ጤናው ተመለሰ፡፡ በማህበረሰብም አፍ ውስጥ ብዙ የበሰበሱ ጥርሶች አሉ፡፡ የበሰበሱ አመለካከቶች ንግርቶችና ሰዎች በጤናማው መሀል ገብተው ያምሱታል፡፡ ህመም ስቃዩ ይሆናሉ ፡፡ ሀኪም ነን ባዮች ደግሞ የበሰበሰን ነቅሎ እንደመጣል ፤ ህመምን ለማስታገስ የወርቅ ፍቅፋቂ እየሞሉ ያስታምማሉ፡፡እነሱ ግባቸው ጤና ሳይሆን የተሻለ ህመም መፍጠር ነው፡፡ በህይወታችንም ውስጥ እንደዚህ የበሰበሱ ጥርሶች አሉ፡፡ በሽተኛ ጥርስ በሽተኛ ጨጓራ እንደሚፈጥረው ሁሉ አንዳንድ ሰዎች በሂወታችን ላለ የስቃይ ህይወት መነሻ ይሆናሉ፡፡ ታዲያ ይህ ጥርስ እስካልተነቀለ ድረስ ጤነኝነት የለም፡፡ ከህይወታችን መውጣት ያለባቸውን ነገሮች በወርቅ ፍቅፋቂ ከመሙላት ይልቅ ብናስወግዳቸው ትክክለኛ መፍትሄ ይሆናል፡፡ ካህሊል ጂብራን Yabu