Ferghana Tourism - официальный туризм

✨ “MARG‘ILON ATLASI & ADRASI” FESTIVALI ✨ 📣 Milliy hunarmandchilik, atlas va adrasning betakror jilosi — Marg‘ilonda! 📅 17–19-sentabr, 2026-yil 📍 Manzil: Farg‘ona viloyati, Marg‘ilon shahri, “Vodiy Gavhari” – “Burhoniddin Marg‘inoniy” ilmiy-ma’rifiy va turizm majmuasi 🎨 Festival davomida milliy atlas va adras namunalari, hunarmandchilik an’analari, milliy liboslar hamda Marg‘ilonning boy madaniy merosi namoyish etiladi. ✨Milliy qadriyatlar, betakror san’at va hunarmandchilik uyg‘unligidagi festivalga marhamat! 🌟 “Marg‘ilon atlasi va adrasi” — milliy merosimiz jilosi! 🇺🇿✨ 📲 Yangiliklarni kuzatib boring!

🔪 “QO‘QON PICHOQLARI” KO‘RGAZMASI! 🇺🇿 Milliy hunarmandchilik, qadimiy an’ana va pichoqsozlik san’ati uyg‘unlashadigan nufuzli madaniy tadbirga marhamat! 📣 Noyabr oyida Marg‘ilon shahrida an’anaviy “Qo‘qon pichoqlari” ko‘rgazmasi o‘tkaziladi. Ko‘rgazma doirasida Qo‘qon pichoqsozlik maktabiga xos nafis bezaklar, milliy pichoqchilik san’ati namunalari, hunarmandlarning ijodiy ishlari hamda asrlar davomida shakllangan pichoqsozlik an’analari namoyish etiladi. 🔪 Qo‘qon pichoqlari — xalqimizning qadimiy hunarmandchilik merosi, yuksak mahorati va o‘ziga xos milliy san’atining yorqin timsolidir. 📅 Noyabr, 2026-yil 📍 Manzil: Farg‘ona viloyati, Marg‘ilon shahri ✨ Milliy hunarmandchilik, betakror san’at va qadimiy an’analarni birgalikda kashf eting! 🌟 “Qo‘qon pichoqlari” ko‘rgazmasi — milliy hunarmandchiligimizning noyob namunalarini namoyish etuvchi o‘ziga xos madaniy maskan!

Farg‘ona shahrida mahallalarda aholi bandligi va tadbirkorlikni rivojlantirish masalalari muhokama qilindi Bugun, 14-avgust kuni Farg‘ona shahridagi «Fergana Asia» mehmonxonasida Hududlarni iqtisodiy rivojlantirishga ko‘maklashish markazi, Yaponiya xalqaro hamkorlik agentligi (JICA), O‘zbekiston Respublikasi Prezidenti huzuridagi Davlat siyosati va boshqaruvi akademiyasi hamda hamkor tashkilotlar tomonidan «Mahallalarda aholi bandligini ta’minlash, tadbirkorlikni rivojlantirish va idoralararo hamkorlikni kuchaytirish» mavzusida davra suhbati o‘tkazildi. Unda Fargʻona viloyati hokimi oʻrinbosari Xurshidjon Axmedov ishtirok etdi. Tadbirda Farg‘ona viloyatining mas’ul tashkilotlari, mahalliy davlat hokimiyati organlari hamda tegishli soha vakillari ishtirok etdi. Davra suhbatida mahallalarda aholi bandligini ta’minlash, ishsiz va kam ta’minlangan fuqarolarni kasb-hunarga o‘qitish, ularni doimiy va daromadli mehnatga jalb etish, tadbirkorlik tashabbuslarini qo‘llab-quvvatlash hamda yangi ish o‘rinlarini yaratish masalalari atroflicha muhokama qilindi. Shuningdek, «mahalla yettiligi», bandlik organlari, mahalliy davlat hokimiyati organlari va boshqa manfaatdor tashkilotlar o‘rtasidagi hamkorlikni yanada kuchaytirish, aholining ehtiyojlarini aniqlash, kasbga yo‘naltirish, ishga joylashtirish va erishilgan natijalarni monitoring qilish mexanizmlarini takomillashtirish bo‘yicha amaliy takliflar ishlab chiqildi. Tadbir yakunida mahallalarda aholi bandligini oshirish, tadbirkorlikni rivojlantirish va fuqarolarning daromad manbalarini kengaytirishga qaratilgan hamkorlikni izchil davom ettirish muhimligi ta’kidlandi. 🟦🟦🟦🟦🟦🟦 🔵 Telegram 🌐 Facebook 🌐 Instagram